హరికృష్ణ ప్రాణం తీసిన వాటర్ బాటిల్! 14 అడుగుల మేర గాల్లోకి లేచిన కారు
Recommended Video
నల్గొండ: నందమూరి హరికృష్ణ కారు అదుపు తప్పి డివైడర్ను ఢీకొని, పల్టీలు కొట్టిందని ప్రత్యక్ష సాక్షి ఒకరు తెలిపారు. హైదరాబాద్ నుంచి నెల్లూరుకు ఓ వివాహానికి హాజరయ్యేందుకు వెళ్తున్న సమయంలో హరికృష్ణ కారు ప్రమాదానికి గురై తీవ్ర గాయాలు కాగా, ఆయన చికిత్స పొందుతూ కన్నుమూసిన విషయం తెలిసిందే.
10 ని.ల్లో ఆసుపత్రిలో చేర్పించినా.. హరికృష్ణ మృతి: అతివేగమే కారణం, అలా పల్టీ కొట్టింది
ఎలా ఢీకొట్టిందంటే
హరికృష్ణ నెల్లూరు వెళ్తుండగా, చెన్నై నుంచి హైదరాబాదుకు మరో కారు వస్తోంది. కారు ఎలా ఢీకొట్టిందో ఆయన వివరించారు. తాము ఐదుగురం కలిసి చెన్నై నుంచి హైదరాబాద్ వెళ్తున్నామని, తాను కారును డ్రైవ్ చేస్తున్నానని, ఉదయం ఆరు గంటల సమయంలో ప్రమాదం జరిగిందని తెలిపారు.
గాల్లోకి లేచిన కారు
తాము 80 కిలో మీటర్ల వేగంతో వెళ్తున్నామని అతను చెప్పారు. ఆ సమయంలో తమకు ఎదురుగా హైదరాబాద్ నుంచి వస్తున్న కారు అదుపు తప్పి దాదాపు పద్నాలుగు అడుగుల మేర గాలిలోకి ఎగిరి, మా వైపు దూసుకు వచ్చిందని, అది గమనించి తాను తన కారును ఎడమ వైపుకు తిప్పానని చెప్పారు.
లేదంటే మా కారు పైన పడేది
తాను కారును తిప్పకుంటే హరికృష్ణ కారు తమ కారు మీద పడేదని అతను తెలిపారు. తాను ఎడమ వైపుకు కారును తిప్పడంతో మా కారులోని వారు క్షేమంగా ఉన్నారని, కుడివైపు కూర్చున్న వ్యక్తికి గాయాలయ్యాయని చెప్పారు. ఆ తర్వాత మేం లేచి చూసేసరికి నడి రోడ్డు మీద వెళ్తున్న వారు హరికృష్ణను గుర్తించి రోడ్డు పైకి తీసుకు వచ్చి పడుకోబెట్టారని చెప్పారు. ఆ తర్వాత పోలీసులకు సమాచారం ఇచ్చామన్నారు.
కారు వేగంగా ఉంది
కారు దాదాపు 30 అడుగుల దూరంలో పడిందని చెప్పారు. కారు చాలా వేగంగా ఉందని, అక్కడకు రాగానే అదుపుతప్పి డివైడర్ను ఢీకొట్టి, అటు వైపు రోడ్డు నుంచి ఇటువైపు రోడ్డుకు పడ్డారని చెప్పారు. హరికృష్ణ వాహనం చెన్నై నుంచి హైదరాబాద్ వెళ్తున్న వాహనాన్ని తాకి మరో కొన్ని అడుగుల దూరంలో పడింది. ఆ సమయంలో కారు వేగంగా ఉందని చెప్పారు. మరో వాహనంలోని వారంతా క్షేమంగా ఉన్నామని చెప్పారు. కాగా, హరికృష్ణ వెనుక వైపు తిరిగి వాటర్ బాటిల్ తీసుకునే ప్రయత్నం చేయగా కారు అదుపుతప్పి డివైడర్ను ఢీకొని ప్రమాదం జరిగిన విషయం తెలిసిందే.