చిరంజీవి.. అల్లు అరవింద్ను చూసి ఎలా ఉండాలో నేర్చుకో..!
మన జాతీయ జెండా కేవలం ఒక వస్త్రం కాదు, అది మన దేశ సార్వభౌమత్వానికి, సమగ్రతకు, బహుళ సంస్కృతుల ఐక్యతకు ప్రతీక. దాని మూడు రంగులు - కాషాయం, తెలుపు, ఆకుపచ్చ - మరియు మధ్యలో ఉన్న అశోక చక్రం మన దేశ స్వేచ్ఛ, త్యాగం, శాంతి మరియు పురోగతిని సూచిస్తాయి. ఈ జెండా భారతదేశ పౌరులందరికీ గర్వకారణం, మనకు స్ఫూర్తినిచ్చే దిశానిర్దేశం.79వ స్వాతంత్ర్య వేడుకలు భారతదేశం అంతటా ఘనం జరిగాయి.
ప్రజలు వాడ వాడలా స్వాతంత్ర్య వేడుకలు జరుపుకున్నారు. దీనిలో భాగంగానే మెగాస్టార్ చిరంజీవి కూడా స్వాతంత్ర్య వేడుకల్లో పాల్గొన్నారు. అయితే ఈ సందర్భంగా ఆయన తీవ్ర విమర్శలను మూటగట్టుకున్నారు.చిరంజీవి తన చిరంజీవి బ్లడ్ బ్యాంక్ వద్ద జెండా ఆవిష్కరణ కార్యక్రమాన్ని నిర్వహించారు. ఈ వేడుకకు మెగా కుటుంబ సభ్యులు, అల్లు అరవింద్ , ఇతర సినీ ప్రముఖులు, అలాగే అభిమానులు భారీ సంఖ్యలో హాజరయ్యారు. అయితే, ఈ కార్యక్రమానికి సంబంధించిన ఒక వీడియో సోషల్ మీడియాలో వైరల్ కావడంతో చిరంజీవిపై తీవ్ర విమర్శలు వెల్లువెత్తాయి.
వైరల్ అయిన వీడియోలో, మెగాస్టార్ చిరంజీవి జాతీయ జెండాను ఎగరేస్తున్నప్పుడు షూస్ ధరించి కనిపించారు. అదే సమయంలో, పక్కనే ఉన్న అల్లు అరవింద్ మాత్రం చెప్పులు లేకుండా నిల్చొని ఉన్నారు. ఈ వ్యత్యాసం చూసిన నెటిజన్లు చిరంజీవిపై ఆగ్రహం వ్యక్తం చేస్తున్నారు. "జాతీయ జెండాను గౌరవించడం తెలియదా?" అని చాలామంది నెటిజన్లు ప్రశ్నిస్తున్నారు.
జెండా ఆవిష్కరణ వంటి పవిత్రమైన సమయంలో చెప్పులు లేదా షూస్ ధరించడం సరైనది కాదని, అది జెండాకు అవమానమని వారు మండిపడుతున్నారు.దేశ ప్రధానితో సహా చాలామంది ప్రముఖులు జెండాను ఎగరేసేటప్పుడు షూస్ విప్పి గౌరవిస్తారని, చిరంజీవి వంటి పెద్ద స్టార్ అలా చేయకపోవడం సరికాదని అంటున్నారు.అల్లు అరవింద్ చెప్పులు విప్పి నిల్చున్నప్పటికీ, చిరంజీవి షూస్తో ఉండటం ఈ విమర్శలకు మరింత ఆజ్యం పోసింది. అల్లు అరవింద్ను చూసి నేర్చుకోండి అంటూ నెటిజన్లు ట్రోల్స్ చేస్తున్నారు.
Click it and Unblock the Notifications
Sign in with Google