వైరల్: టిఆర్ఎస్ మీటింగ్‌లో మహిళా ఆఫీసర్ డ్యాన్స్ చేశారా? (వీడియో)

ఖమ్మం: ఇద్దరు అధికారులు తెరాస నేతలతో కలిసి డ్యాన్స్ చేస్తున్నట్లుగా చెబుతున్న ఓ వీడియో ఇంటర్నెట్లో హల్‌చల్ చేస్తోంది. ఈ వీడియో మే 27, 2016న అప్ లోడ్ అయినట్లుగా ఉంది. ఈ వీడియోలో తెరాస నేతలతో పాటు అధికారులు డ్యాన్స్ చేసినట్లుగా పేర్కొనడంతో ఇది బాగా వైరల్ అవుతోంది.

ఈ డ్యాన్స్ ఖమ్మం జిల్లాలోని తెరాస సమావేశంలో జరిగిందని ఆ వీడియోను చూస్తే తెలుస్తోంది. వారు డ్యాన్స్ చేసే వేదిక వెనుక తెరాస ఫ్లెక్సీ ఉంది. అందులో తెలంగాణ రాష్ట్ర ముఖ్యమంత్రి కల్వకుంట్ల చంద్రశేఖర రావు ఫోటో కనిపిస్తోంది.

వేదిక పైన ముగ్గురు నలుగురు డ్యాన్స్ చేస్తున్నారు. అందులో తెరాస నేతలతో పాటు అధికారులు ఉన్నట్లుగా పేర్కొన్నారు. మరీ ముఖ్యంగా, ఇందులో మహిళా అధికారులు ఉన్నారని, రేసుగుర్రం పాటకు వారు చిందులేస్తున్నారని పేర్కొన్నారు. దీంతో, ఇది వైరల్ అవుతోంది. అయితే, అందులో ఉన్నది అధికారులా కాదా తెలియాల్సి ఉంది.

English summary

Two officers Dancing together at Khammam TRS meeting?