తెలంగాణలో కర్ణాటక ప్రభావం, సీన్ రిపీట్ అవుతుందా ?, అక్కడ బీజేపీ, ఇక్కడ బీఆర్ఎస్ ?

తెలంగాణ అసెంబ్లీ ఎన్నికల ఫలితాలపై సర్వత్రా ఆసక్తి నెలకొంది. తెలంగాణలో అధికార భారత రాష్ట్ర సమితి (బీఆర్‌ఎస్) పార్టీకి కాంగ్రెస్ పార్టీ గట్టి పోటీ ఇచ్చింది. కర్ణాటక అసెంబ్లీ ఎన్నికల ఫలితాలు తెలంగాణ అసెంబ్లీ ఎన్నికలపై తీవ్ర ప్రభావం చూపుతాయనే వార్తలు వినిపిస్తున్నాయి. తెలంగాణ అసెంబ్లీ ఎన్నికల్లో కర్ణాటక నిర్ణయాత్మక అంశంగా ఆవిర్భవించడం ఆశ్చర్యకరమైన రాజకీయ పరిణామాలకు దారితీసింది.

తెలంగాణలో అధికార బీఆర్ఎస్ పార్టీని గద్దె దించాలని కాంగ్రెస్ పార్టీ నిరంతరంగా ప్రయత్నిస్తున్న విషయం తెలిసిందే. కర్ణాటకలో కాంగ్రెస్ ప్రభుత్వం సాధించిన విజయాలను తెలంగాణ అసెంబ్లీ ఎన్నికల్లో సద్వినియోగం చేసుకున్న విషయం తెలిసిందే. తెలంగాణ అసెంబ్లీ ఎన్నికల ప్రచారం సందర్భంగా బీఆర్ఎస్ పార్టీ, కేసీఆర్ వైఫల్యాలను ఎత్తిచూపుతూ కర్ణాటకలో సిద్ధరామయ్య ప్రభుత్వ తీరును తెలంగాణ ప్రజలకు వివరిస్తూ తెలుగు పత్రికల్లో ప్రకటనలు ఇచ్చారు.

కర్ణాటకలో కాంగ్రెస్ ప్రభుత్వం సాధించిన విజయాలను తెలంగాణ కాంగ్రెస్ ప్రజల ముందు పెట్టారు. తెలంగాణ అసెంబ్లీ ఎన్నికలు దగ్గర పడుతుండుతున్న సమయంలోనే టీపీసీసీ అధ్యక్షుడు రేవంత్ రెడ్డి బెంగళూరు చేరుకుని సీఎం సిద్ధరామయ్య, డీకే శివకుమార్ తో చర్చించి తరువాత హైదరాబాద్ వెళ్లి అసెంబ్లీ ఎన్నికలకు అన్ని రకాలుగా రంగం సిద్దం చేసుకున్నారు. ఇదే సమయంలో కర్ణాటకలోని కాంగ్రెస్ ప్రభుత్వం పనితీరును వివరిస్తూ తెలంగాణలోని దిన పత్రికల్లో ప్రకటనలు విడుదల చేశారు.

కర్ణాటక అసెంబ్లీ ఎన్నికలకు ముందు కాంగ్రెస్ పార్టీ కర్ణాటక ప్రజలకు ఇచ్చిన ఐదు వాగ్దానాలను అధికారంలోకి వచ్చిన 100 రోజుల్లోనే నెరవేర్చామని కాంగ్రెస్ నేతలు తెలంగాణ ప్రజల్లోకి తీసుకెళ్లారు. కాంగ్రెస్ ప్రకటనలపైను బీఆర్ఎస్, భారతీయ జనతా పార్టీ (బీజేపీ) మండిపడ్డాయి. అయితే అప్పటికే కాంగ్రెస్ పార్టీ నాయకులు అనుకున్న విదంగా తెలంగాణ అసెంబ్లీ ఎన్నికల ప్రచారంలో పూర్తి చేశారు.

కర్ణాటకలో 24 గంటల విద్యుత్ సరఫరా చేయడంలో కాంగ్రెస్ ప్రభుత్వం విఫలమైందని బీఆర్ఎస్ ఆరోపించింది. ఏది ఏమైనప్పటికీ కర్ణాటకలో కాంగ్రెస్ విజయం తెలంగాణలో ఎన్నికల ప్రచారంలో ప్రతిధ్వనించింది. ఈ పక్కాప్లాన్ పట్ల తెలంగాణ కాంగ్రెస్ కార్యకర్తలు హర్షం వ్యక్తం చేస్తున్నారు. బహిరంగ సభలకు పెద్ద ఎత్తున ప్రజలు తరలిరావడంతో కాంగ్రెస్ పార్టీ కార్యకర్తలు, మద్దతుదారుల మనోధైర్యాన్ని పెంచిందని రాజకీయ విశ్లేషకులు చెబుతున్నారు.

తెలంగాణ శాసనమండలి సభ్యుడు ఒకరు మీడియాతో మాట్లాడుతూ తెలంగాణలో కాంగ్రెస్‌ పార్టీకి మంచి రోజులు మొదలుకావడానికి, అసెంబ్లీ ఎన్నికల్లో ఆ పార్టీకి ప్రతికూల వాతావరణం ఏర్పడటానికి కర్ణాటకలో సాధించిన విజయం దోహదపడిందని అభిప్రాయం వ్యక్తం చేశారు. తెలంగాణ అసెంబ్లీ ఉప ఎన్నికల్లో కాంగ్రెస్‌కు వరుస పరాజయాలు రావడంతో ఆ పార్టీ షాక్‌కు గురైంది. అయితే పొరుగున ఉన్న కర్ణాటకలో కాంగ్రెస్ పార్టీ విజయం తెలంగాణలో కాంగ్రెస్ పార్టీకి ఊపునిచ్చిందనే గుసగుసలు ప్రజల్లో వినిపిస్తున్నాయి.

ఇప్పుడు తెలంగాణలో కాంగ్రెస్ మళ్లీ పుంజుకుందన్న భావన ప్రజల్లో కలుగుతోందని పార్టీలకు అతీతంగా కొందరు నాయకులు అంటున్నారు. కర్ణాటక ఎన్నికలకు ముందే తెలంగాణ ప్రజలకు కాంగ్రెస్‌పై నమ్మకం పోయిందని తెలంగాణ నాయకుడు ఎం.కోదండరామ్ ఇటీవల అన్నారు. కానీ ఇప్పుడు తెలంగాణ ప్రజలు బీఆర్‌ఎస్‌కు ప్రత్యామ్నాయంగా కాంగ్రెస్ వైపు చూస్తున్నారని ఎగ్జిట్ పోల్స్ సర్వేలు చెప్పాయి.

కర్ణాటక తరహాలో ప్రజలు ఎన్నుకున్న ప్రభుత్వాన్ని కోరుకుంటున్నారు. కర్ణాటకలో అధికారం నుంచి దిగిపోయిన బీజేపీకి ఇప్పుడున్న పరిస్థితుల్లో తెలంగాణలో అవకాశం లేదని కోదండరామ్ అన్నారు. ఇదే విషయం గురువారం సాయంత్రం విడుదల అయిన ఎగ్జిట్ పోల్స్ కూడా స్పష్టం చేశాయి. మొత్తం మీద కర్ణాటక అసెంబ్లీ ఎన్నికల ఫలితాల ప్రభావం తెలంగాణ అసెంబ్లీ ఎన్నికల్లో కనిపించడంతో తెలంగాణ ప్రజలు ఎవరికి పట్టాభిషేకం చేశారు అనే విషయం డిసెంబర్ 3వ తేదీన ఆదివారం తేలిపోతుంది.

English summary

People and political analysts say that the influence of the Congress government in Karnataka was more in the Telangana assembly elections