హైదరాబాద్‌లోని పబ్‌‌ల్లో పోలీసుల ఆకస్మిక తనిఖీలు, జాగిలాలతో ఎంట్రీ

హైదరాబాద్: రాష్ట్ర రాజధాని హైదరాబాద్ నగరంలో పలు పబ్‌ల్లో ఆదివారం రాత్రి పోలీసులు ఆకస్మిక తనిఖీలు చేపట్టారు. జూబ్లీహిల్స్‌లోని అన్ని పబ్‌ల్లో తనిఖీ చేశారు. సీఎం రేవంత్, హైదరాబాద్ సీపీ శ్రీనివాస్ రెడ్డి ఆదేశాల నేపథ్యంలో పబ్‌ల్లో డ్రగ్స్ గంజాయి అమ్మకాలపై ప్రత్యేక నిఘా పెట్టారు పోలీసులు. కాగా, తాజా తనిఖీల్లో పోలీసు జాగిలాలను రంగంలోకి దించారు.

డ్రగ్స్ రహిత రాష్ట్రంగా తెలంగాణను మార్చాలని అధికారులకు ముఖ్యమంత్రి రేవంత్ రెడ్డి ఇటీవల స్పష్టమైన ఆదేశాలు జారీ చేసిన విషయం తెలిసిందే. ఇందుకు అనుగుణంగా పోలీసులు ప్రణాళిక సిద్ధం చేసుకున్న పోలీసులు.. తనిఖీలతో తమ కార్యాచరణ అమలు చేస్తున్నట్లు తెలుస్తోంది.

సీపీ కీలక ఆదేశాలు

హైదరాబాద్‌లోని కమిషనరేట్‌లో ఉన్నతాధికారులు, పోలీస్ సిబ్బందితో సీపీ కొత్తకోట శ్రీనివాసరెడ్డి సమావేశమయ్యారు. కేసుల దర్యాప్తు వేగం పెంచాలని సూచించారు. ఒక్క నేరస్థుడికి శిక్ష పడితే.. 100 మంది భయపడతారని సూచించారు. మరోవైపు డ్రగ్స్‌ రహిత తెలంగాణ ధ్యేయంగా టీఎస్‌ న్యాబ్‌ పని చేస్తుందని ఆ సంస్థ డైరెక్టర్ సందీప్ శాండిల్యా తెలిపారు. భాగ్యనగరంలో ట్రాఫిక్ సమస్య తీర్చేందుకు కృషి చేయాలని సీపీ శ్రీనివాసరెడ్డి తెలిపారు. ఈ సమస్యను పరిష్కరించేందుకు అవసరమైన ప్రణాళిలకు సిద్దం చేయాలని ఆదేశించారు.

మాదకద్రవ్యాలతో పాటు డ్రగ్స్‌ ఇతర నిషేధ వస్తువులు నగరంలోకి రాకుండా కట్టుదిట్టమైన చర్యలు చేపట్టాలని అధికారులకు దిశానిర్దేశం చేశారు. పోలీస్‌ స్టేషన్‌లో ఉన్న కేసులు దర్యాప్తు వేగంగా చేసి, నిందితులకు శిక్ష పడేలా చేయాలని విజ్ఞాప్తి చేశారు. సైబర్‌ నేరాల దర్యాప్తులో దేశంలోనే హైదరాబాద్‌ మొదటి స్థానంలో ఉందని సీపీ శ్రీనివాస్ రెడ్డి హర్షం వ్యక్తం చేశారు. పోలీస్ వ్యవస్థ వద్ద ఉన్న అన్ని సదుపాయాలను వినియోగించుకుని దర్యాప్తు మరింత వేగంగా చేసి రికవరీ రేటును పెంచాలని అధికారులను ఆదేశించారు.

English summary

police conduct searches pubs in hyderabad.