• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

మందు.. చిందు.. పొందు: శామీర్ పేట్‌లో రేవ్ పార్టీ...ఏడుగురు గజ్వేల్ వైద్యులు అరెస్ట్

|

వారంతా డాక్టర్లు... వైద్యం చేయాల్సిన చేతులు విస్కీని పట్టుకున్నాయి. వీకెండ్ కావడంతో మిత్రులతో కలిసి సరదాగా పార్టీ చేసుకున్నారు. పార్టీ వరకు అయితే ఫర్వాలేదు.. కానీ అమ్మాయిలను పిలిపించుకుని రేవ్ పార్టీలో మునిగిపోయారు. మందు, మగువలతో పాటు చిందులు కూడా వేశారు. ఇదే వారి కొంప ముంచింది. రేవ్ పార్టీలు చట్టవ్యతిరేకం అని తెలిసినా సైలెంట్‌గా పనికానిచ్చేద్దామనుకుని అడ్డంగా బుక్కయ్యారు. పరువును బజారుకు తెచ్చుకున్నారు. ఈ రేవ్ పార్టీకి వేదికైంది మేడ్చల్ జిల్లా శామీర్‌పేటలోని సెలిబ్రిటీ రిసార్ట్.

నిత్యం స్టెథిస్‌కోప్‌లు, నాలుగు ఇంజెక్షన్లు ఆరు సర్జరీలతో బిజీగా గడిపే డాక్టర్లు శుక్రవారం రాత్రి ఓ రేవ్ పార్టీ చేసుకున్నారు. వీరంతా మెదక్ జిల్లా గజ్వేల్ ప్రాంతానికి చెందిన వారు. శామీర్‌పేటలోని సెలబ్రిటీ రిసార్ట్‌లో ఓ ప్రైవేట్ విల్లాలో రేవ్ పార్టీ అరేంజ్ చేశారు. మందు,మగువ, చిందులతో పార్టీలో ఎంజాయ్ చేస్తున్న వారిపై ఒక్కసారిగా పోలీసులు దాడి చేయడంతో షాక్‌కు గురయ్యారు. అసలు అటువైపు పోలీసులు వస్తారని కూడా తాము ఊహించి ఉండరు. అడ్డంగా బుక్ అయిపోయారు. పోలీసులను చూడగానే తాగిన మత్తు దెబ్బకు దిగింది.

Police raids on Rave party in Shamirpet, rescues three women

శామీర్‌పేట్ సీఐ చెప్పిన వివరాల ప్రకారం... సెలిబ్రిటీ రిసార్ట్‌లో రేవ్ పార్టీ జరుగుతోందని తమకు సమాచారం రావడంతో అక్కడ దాడి చేసినట్లు చెప్పారు. రేవ్ పార్టీపై దాడి చేసి గజ్వేల్ ప్రాంతానికి చెందిన ఆరుగురు వ్యక్తులతో పాటు ముంబై నగరానికి చెందిన యువతితో పాటు హైదరాబాద్‌కు చెందిన మరో ముగ్గురు యువతులను అదుపులోకి తీసుకున్నట్లు వెల్లడించారు. అయితే ఈ పార్టీకి సంబంధించి ప్రముఖుల పేర్లు కూడా వినిపిస్తున్నాయి. ఆ పేర్లను బయటపెట్టేందుకు పోలీసులు నిరాకరించారు. ఇదిలా ఉంటే గజ్వేల్ డాక్టర్స్ అసోసియేషన్ పట్టుబడిన డాక్టర్లకు మద్దతుగా నిలిచింది. వారు చిన్నపార్టీ చేసుకుంటే మీడియా దాన్ని అతిగా చూపిస్తోందని మండిపడ్డారు.

ఇక రేవ్ పార్టీలో పట్టుబడిన యువతులను బలవంతంగా ఆపార్టీకి తీసుకొచ్చినట్లు సైబరాబాద్ షీటీమ్ తెలిపింది. ముంబై యువతితో పాటు మరో ముగ్గురిని కూడా బలవంతం చేసి ఈ పార్టీకి తీసుకొచ్చినట్లు షీటీమ్స్ చెబుతోంది. అందరినీ రెస్క్యూ చేసినట్లు వెల్లడించిన షీటీమ్స్... యువతులను తీసుకొచ్చిన మహిళను అరెస్టు చేసినట్లు వెల్లడించింది.

English summary
Telangana police arrested 7 doctors from Gajwel who were involved in a rave party in a private resort in Shamirpet. The police rescued three women and the lady behind this illegal act was taken into custody by sheteams.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X