ముఖ్యమంత్రికి బందోబస్తు ఉండాల్సిన పోలీసులు.. హీరో ప్రభాస్ ఇంటికెళ్లారు!
హైదరాబాద్: తెలంగాణ ముఖ్యమంత్రి కె చంద్రశేఖర్ రావు వెళ్లనున్న మార్గంలో బందోబస్తు ఉండాల్సిన పోలీసులు టాలీవుడ్ హీరో ప్రభాస్ ఇంటిదారి పట్టడం చర్చనీయాంశంగా మారింది. ఈ విషయం తెలుసుకున్న పోలీసు ఉన్నతాధికారులు సిబ్బందిని తీవ్రంగా మందలించారు.
ఈ ఘటన శుక్రవారం జూబ్లీహిల్స్ పోలీస్ స్టేషన్ పరిధిలో చోటుచేసుకుంది. వివరాల్లోకి వెళితే.. ముఖ్యమంత్రి కెసిఆర్ మాదాపూర్ వైపు వెళ్తున్నట్లు జూబ్లీహిల్స్ పోలీసులకు ముందస్తు సమాచారం అందింది.
అయితే, ఆ మార్గంలో బందోబస్తు ఉండాల్సిన పోలీసులు నటుడు ప్రభాస్ ఇంటికి వెళ్లారు. ప్రభాస్తో ఫొటోలు దిగేందుకు అభిమానులు వస్తున్నారని తెలిసి ఉన్నతాధికారులకు సమాచారం ఇవ్వకుండానే అక్కడికి వెళ్లిపోయారు.
ఈ విషయాన్ని ఆలస్యంగా గుర్తించిన పోలీసులు ఉన్నతాధికారులు ఆ సిబ్బందిని పిలిచి తీవ్రంగా మందలించారు. ఈ మేరకు ఘటనపై నివేదికను కోరినట్లు తెలిసింది.
Click it and Unblock the Notifications
Sign in with Google