చంద్రబాబుకు ఎమ్మెల్యే వివేక్ ఝలక్: టిడిపికి గుడ్‌బై, టిఆర్ఎస్‌లోకి

హైదరాబాద్: తెలుగుదేశం పార్టీ ఎమ్మెల్యే కెపి వివేకానంద (వివేక్) పార్టీ జాతీయ అధ్యక్షులు, ఏపీ ముఖ్యమంత్రి నారా చంద్రబాబు నాయుడుకు మంగళవారం నాడు షాకిచ్చారు. ఆయన అధికార తెలంగాణ రాష్ట్ర సమితిలో చేరాలని నిర్ణయించుకున్నారు.

ఆయన టిడిపికి గుడ్ బై చెప్పారు. మంగళవారం నాడే టిఆర్ఎస్‌లో చేరాలని నిర్ణయించుకున్నారు. తెలుగుదేశం పార్టీ కార్యాలయానికి తన రాజీనామా పత్రాన్ని ఫ్యాక్స్ ద్వారా పంపించారు.

వివేక్‌ను టిఆర్ఎస్‌లోకి తీసుకు రావడంలో ఎమ్మెల్యే మాధవరం కృష్ణారావు మధ్యవర్తిగా వ్యవహరించారని తెలుస్తోంది. క్యాంప్ కార్యాలయానికి మాధవరమే తీసుకు వచ్చారు.

ముఖ్యమంత్రి కల్వకుంట్ల చంద్రశేఖర రావు సమక్షంలో క్యాంప్ కార్యాలయంలో వివేక్ కారు ఎక్కనున్నారు. తెలంగాణలో టిఆర్ఎస్ అధికారంలోకి వచ్చాక పలువురు టిడిపి ఎమ్మెల్యేలు కారు ఎక్కుతోన్న విషయం తెలిసిందే. ఇప్పుడు వివేక్.. చంద్రబాబుకు షాకివ్వడం గమనార్హం.

English summary

Quthbullapur MLA KP Vivekananda to join TRS.