రాంచరణ్ సతీమణి ఉపాసన ఫ్యామిలీలో విషాదం.. భావోద్వేగ ట్వీట్...

మెగా పవర్ స్టార్ రామ్‌చరణ్ రామ్ చ‌ర‌ణ్ స‌తీమ‌ణి ఉపాస‌న ఫ్యామిలీలో విషాదం చోటు చేసుకుంది. ఉపాస‌న తాత‌య్య కామినేని ఉమాప‌తి రావు(92) మంగ‌ళ‌వారం రాత్రి హైద‌రాబాద్‌లోని అపోలో ఆసుప‌త్రిలో చికిత్స పొందుతూ క‌న్నుమూశారు. వ‌యసు పైబడటం,కొంతకాలంగా అనారోగ్యంతో బాధపడుతుండటంతో ఆయన కన్నుమూసినట్టు సమాచారం.

our thatha, K.Umapathy Rao of Domakonda-IAS 15June 1928-27May 2020 was a man of great principles, selflessness, generosity & sense of humor. An Urdu Poet know for his Shayari & the first EO of TTD was a strong believer in the religion of kindness & generosity.#RestinPeace 🙏🏼 pic.twitter.com/hb4iLgDGwj

— Upasana Konidela (@upasanakonidela) May 27, 2020

ఉమాపతి రావు మరణంపై ఉపాసన ట్విట్టర్‌లో సంతాపం ప్రకటించారు. 'మా తాత కె.ఉమాపతి రావు-ఐఏఎస్ (జూన్‌ 15,1928- మే 27, 2020) గొప్ప విలువలు, నిస్వార్థం, మానవతామూర్తి గల వ్యక్తి. ఆయనకు హాస్య చతురత కూడా ఎక్కువే. ఉర్దూలోనూ షాయరీలు రాశారు. టీటీడీ తొలి ఈవోగా పనిచేశారు. అనేక గొప్ప సేవా కార్యక్రమాల్లో పాల్గొన్నారు. మీ ఆత్మకు శాంతి చేకూరాలి తాత' అంటూ భావోద్వేగంగా స్పందించారు.

తెలంగాణ‌లోని దోమ‌కొండ‌లో జ‌న్మించిన ఉమాప‌తి రావు ఐఏఎస్ ఆఫీస‌ర్‌గా పని చేశారు. ఆయ‌న మృతిపై పలువురు నెటిజెన్స్ సంతాపం తెలిపారు. స‌న్నిహితులు, మెగా అభిమానులు ఉమాప‌తి ఆత్మ‌కి శాంతి క‌లగాల‌ని ప్రార్ధిస్తున్నారు.

English summary

Mega Power Star Ramcharan's wife Upasana's grand father Umapathy Rao passed away on May 27,2020. Upasana expressed her condolences throught twitter