మోడీ కామెంట్: రేణుకా చౌదరిపై శూర్పణఖ వీడియోను పోస్టు చేసిన రిజిజు

న్యూఢిల్లీ: కాంగ్రెసు రాజ్యసభ సభ్యురాలు రేణుకా చౌదరిని అపహాస్యం చేస్తూ కేంద్ర హోంశాఖ సహాయ మంత్రి కిరణ్ రిజిజు వీడియోను షేర్ చేశారు. రేణుకా చౌదరి నవ్వడాన్ని ఉద్దేశించి - రామాయణం సీరియల్ తర్వాత అంతటి నవ్వును వినే భాగ్యం మనకు ఈ రోజే దక్కిందని ప్రధాని అన్నారు.

రామాయణంలోని ఏ పాత్రకు రేణుకా చౌదరి సరిపోలుతారనే విషయాన్ని మోడీ చెప్పలేదు. ఆ విషయాన్ని చెప్పడానికే అన్నట్లు కిరణ్ రిజిజు వీడియో పోస్టు చేశారు. శూర్పణఖ వికటంగా నవ్వుతున్న వీడియోను పోస్టు చేశారు.

Despite such vexatious laugh by Renuka Chaudhary ji PM Narendra Modi ji didn't get irritated. pic.twitter.com/pc5TGOYhZV

— Kiren Rijiju (@KirenRijiju) February 8, 2018

రేణుకా చౌదరిని వెక్కిరిస్తూ రిజిడు బుధవారం సాయంత్రం సోషల్ మీడియాలో ఆ వీడియోను పోస్టు చేశారు. 1980లో రామాయణం సీరియల్ టెలివిజన్‌లో ప్రసారమైంది. ఆ సీరియల్‌లోని పాత్ర నవ్వు తనకు గుర్తు వస్తోందని మోడీ రేణుకా చౌదరిపై వ్యాఖ్యానించారు.

శూర్పణఖ లంక చక్రవర్తి రావణుడి సోదరి. శూర్పణఖకు జరిగిన అవమానంపై ఆగ్రహించిన రావణుడు సీతను ఎత్తుకెళ్లాడు. దాంతో రామరావణ యుద్ధానికి దారి తీసి, రావణుడి అంతానికి దారి తీసింది.

English summary

Union Minister of State for Home Kiran Rijiju has shared a video of hysterical laughter by mythological character 'Surpanakha' Modi's comment on Renuka Chowdhary in Rajya Sabha on Wednesday.