నిజాయితీ నిరూపించుకున్న ఆర్టీసీ కండక్టర్.. ఏం చేశారంటే ?

టీజీఎస్ ఆర్టీసీ అచ్చంపేట డిపోనకు కండక్టర్ వెంకటేశ్వర్లు నిజాయితీ నిరూపించుకున్నారు. బస్సులో మర్చిపోయిన రూ.13 లక్షల విలువగల బంగారు, వెండి ఆభరణాలు, నగదుతో ఉన్న బ్యాగును ప్రయాణికుడికి అందజేసి తన మానవత్వం చాటుకున్నారు.

అచ్చంపేట-హైదరాబాద్ రూట్ టీజీఎస్ఆర్టీసీ బస్సులో ఈ నెల 26న కండక్టర్ వెంకటేశ్వర్లు విధులు నిర్వహిస్తున్నారు. ఈ క్రమంలోనే ఎంజీబీఎస్ కు చేరుకోగానే బస్సులో ఒక బ్యాగ్ ను ప్రయాణికుడు మరచిపోయినట్లు కండక్టర్ గుర్తించారు. బ్యాగును తెరిచి చూడగా అందులో బంగారు, వెండి ఆభరణాలు.. నగదు సహా పలు సర్టిఫికెట్లు ఉన్నాయి. వెంటనే ఈ విషయాన్ని అచ్చంపేట డీఎం మురళీ దుర్గా ప్రసాద్ కు ఫోన్ లో సమాచారం అందించారు. దీంతో బ్యాగును ఎంజీబీఎస్ లోని స్టేషన్ మేనేజర్ కార్యాలయంలో అప్పగించాలని డీఎం సూచించారు.

అయితే ఆ సమయంలోనే అనిల్ కుమార్ అనే ప్రయాణికుడు డీఎంకి ఫోన్ చేసి బస్సులో బ్యాగును మరచిపోయినట్లు చెప్పారు. కందుకూర్ లో బస్సు ఎక్కి సీబీఎస్ లో దిగి కాచిగూడకు వెళ్లిపోయానని పేర్కొన్నారు. ఎంజీబీఎస్ లోని స్టేషన్ మేనేజర్ కార్యాలయానికి వెళ్లాలని డీఎం సూచించారు. టీజీఎస్ ఆర్టిసీ అధికారులు వివరాలను పరిశీలించి.. బ్యాగును ప్రయాణికుడు అనిల్ కుమార్ కు అందజేశారు. అందులో 14 తులాల బంగారు, 10 తులాల వెండి ఆభరణాలతో పాటు రూ.14,800 నగదు, తన కుమారుడి బర్త్ సర్టిఫికెట్, తన విద్యార్హత ధ్రువపత్రాలు ఉన్నాయి.

ఈ ఘటనతో వెంకటేశ్వర్లును టీజీఎస్ఆర్టిసీ యాజమాన్యం అభినందించింది. హైదరాబాద్ బస్ భవన్ లో ఉన్నతాధికారులతో కలిసి సంస్థ ఎండీ వీసీ సజ్జనర్ ఆయనను సన్మానించి.. ప్రశంసా పత్రాన్ని అందజేశారు. సమర్థవంతంగా విధులు నిర్వహిస్తూనే ఆర్టీసీ సిబ్బంది ఈ రకంగా వ్యవహరించడాన్ని కొనియాడారు. ఈ కార్యక్రమంలో ఎగ్జిక్యూటివ్ డైరెక్టర్ ముని శేఖర్, ఫైనాన్స్ అడ్వైజర్ విజయ పుష్ప, అచ్చంపేట డీఎం మురళీ దుర్గా ప్రసాద్ పాల్గొన్నారు.

మరోవైపు సామాన్య ప్రజలు సైతలు సదరు కండక్టర్ ని అభినందిస్తున్నారు. దొరికితే దోచుకుందాం అనేలా మారిపోయిన ఈరోజుల్లో అంతా మొత్తం ఉన్న బ్యాగును కూడా తిరిగి ఇవ్వడం గొప్ప విషయం అంటూ మెచ్చుకుంటున్నారు. ఈ విషయన్ని సోషల్ మీడియాలో సైతం పోస్ట్ చేయగా.. నెటిజన్లు షేర్ చేస్తున్నారు.

#TGSRTC conductor Venkateshwarlu sets an inspiring example of honesty!

He returned a bag containing gold and silver ornaments worth ₹13 lakh, along with cash, to a passenger who had lost it on the bus.

The #TGSRTC management appreciated Venkateshwarlu, who is from the Achampet… pic.twitter.com/hWTdl31GVH

— V.C. Sajjanar, IPS (@SajjanarVC) April 28, 2025

English summary

Conductor Venkateshwarlu of TGS RTC Achampet depot proved his honesty. He showed his humanity by handing over a bag containing gold and silver ornaments and cash worth Rs. 13 lakhs that was forgotten in the bus to a passenger.