వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

అమెరికా బాటలో.. సౌదీ? విదేశీ కార్మికులపై మరిన్ని నిబంధనలు?

విదేశీ ఉద్యోగుల విషయంలో సౌదీ అరేబియా కూడా అమెరికా బాటలో పయనించేందుకు ప్రయత్నిస్తున్నట్లు సమాచారం.

By Ramesh Babu
|
Google Oneindia TeluguNews

రియాద్: విదేశీ ఉద్యోగుల విషయంలో సౌదీ అరేబియా కూడా అమెరికా బాటలో పయనించేందుకు ప్రయత్నిస్తున్నట్లు సమాచారం. విదేశీ కార్మికులపై నిబంధనలు కఠినతరం చేసి.. సౌదీ పౌరులకు ఉద్యోగాలు దక్కే ప్రయత్నాలు మొదలెట్టింది.

సౌదీ ప్రజల్లో నిరుద్యోగ సమస్య తగ్గించేందుకు కృషి చేస్తున్నట్లు అక్కడి ప్రభుత్వ వర్గాలు పేర్కొంటున్నాయి. విదేశీ కార్మికుల విషయంలో నిబంధనలు మరింత పెంచాలని, సౌదీ పౌరులకు ఎక్కువ ఉద్యోగాలు కల్పించాలంటూ అక్కడి కంపెనీలపై ఒత్తిడి తీసుకురానున్నట్లు తెలుస్తోంది.

సౌదీలో తక్కువ వేతనాలకు.. నిర్మాణ రంగంలో, ఇతరత్రా చిన్న చిన్న పనుల్లో లక్షలాది మంది విదేశీ కార్మికులు పని చేస్తున్నారు. భారతీయులు, తెలుగు రాష్ట్రాల నుంచి కూడా పెద్ద సంఖ్యలో సౌదీకి ఉద్యోగాల నిమిత్తం వెళుతుంటారు. విదేశీ కార్మికుల విషయంలో సౌదీ కొత్త నియమ నిబంధనలు అమల్లోకి వస్తే వీరిపై తీవ్ర ప్రభావం పడుతుంది.

Saudi Arabia also trying to increase work force rules like america

ఈ కొత్త పాలసీ వల్ల సౌదీలో నిరుద్యోగం 2020 నాటికి 12.1 నుంచి 9 శాతానికి తగ్గుతుందని అంచనా. ఈ చర్య వల్ల సౌదీ ప్రభుత్వం ప్రవేశపెట్టిన ఆర్థిక సంస్కరణల లక్ష్యం కూడా నెరవేరుతుందని భావిస్తున్నారు.

కొత్త నిబంధనల ప్రభావం సౌదీ అరేబియాలో తక్కువ వేతనాలకు, ప్రమాదకరమైన పనులు చేస్తున్న దాదాపు 12 మిలియన్ల మంది విదేశీ కార్మికులపై పడనుంది. తక్కువ వేతనంతో పనిచేసే విదేశీ కార్మికుల విషయంలో నిబంధనలు కఠినతరం చేస్తే కంపెనీలపై కూడా భారం పడనుంది.

మూడింట రెండు వంతుల మంది సౌదీ ప్రజలు అక్కడి పబ్లిక్ సెక్టార్ లో పని చేస్తున్నారు. కొత్త నిబంధనల ప్రకారం.. 500 నుంచి 2999 మంది ఉద్యోగులున్న కంపెనీలు టాప్ 'ప్లాటినమ్' కేటగిరీలో 100 శాతం సౌదీ పౌరులనే నియమించాల్సి ఉంటుంది. పది శాతం మాత్రమే ఉద్యోగాలిస్తే ఆ కంపెనీలకు 'లోవర్ గ్రీన్' కేటగిరీగా రేటింగ్ ఇస్తారు. ప్రస్తుతం ఈ రేటింగ్ ప్లాటినమ్ కు 16 శాతం, లోవర్ గ్రీన్ కు 6 శాతంగా ఉంది.

English summary
Foreign workers compose a large portion of the Saudi workforce, a reality the Saudi government is seriously addressing this issue. In this regard Saudi also decided to follow US. Over the last decade, the government has prioritized "Saudiization," an initiative aiming to increase employment of Saudi nationals across all sectors of the domestic economy, reduce dependence on foreign workers, and recapture and reinvest income that would have otherwise flowed overseas as remittances.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X