సికింద్రాబాద్ రైల్వే స్టేషన్ నుంచి, ఇక - ప్రయాణీకులు ఊహించని నిర్ణయం..!!

రైల్వే ప్రయాణీకులకు బిగ్ అప్డేట్. సికింద్రాబాద్ స్టేషన్ లో ఆధునీకరణ పనులు వేగంగా కొనసాగు తున్నాయి. విమానాశ్రయ తరహాలో సదుపాయాలు కల్పిస్తున్నారు. పూర్తి స్థాయిలో తిరిగి స్టేషన్ ను అందుబాటులోకి తెచ్చేందుకు కసరత్తు జరుగుతోంది. చర్లపల్లి టెర్మినల్ ప్రారంభంతో ఈ స్టేషన్ పైన ఒత్తిడి తగ్గింది. కాగా.. ఇప్పుడు ప్రయాణీకుల కోసం రైల్వే శాఖ కీలక నిర్ణయం తీసుకుంది. ఊహించని విధంగా సికింద్రాబాద్ స్టేషన్ లో తెస్తున్న మార్పులు.. తీసుకుంటున్న నిర్ణయాలు ప్రయాణీకులకు ఉపయోగకరంగా మారుతున్నాయి.

అత్యాధునిక సదుపాయాలతో విమానాశ్రయాన్ని తలపించే స్థాయిలో సికింద్రాబాద్‌ రైల్వేస్టేషన్‌ను ఆధునీకరిస్తున్నారు. సుమారు రూ.750 కోట్ల అంచనా వ్యయంతో ప్రారంభమైన పనులు ఇప్పటికే 60శాతానికి పైగా పూర్తయ్యాయి. ఈ క్రమంలో ప్రయాణికుల విలువైన సమయాన్ని సద్వినియోగం చేసుకునేందుకు వీలుగా సౌకర్యాలు కల్పిస్తున్నారు. ఇందులో భాగంగానే డిజిటల్‌ లాంజ్‌లు, కో-వర్కింగ్‌ స్పేస్‌లను ఏర్పాటు చేసి.. సాఫ్ట్‌వేర్‌ ఉద్యోగులు, వ్యాపార వేత్తలు, విద్యార్థులకు పని వాతావరణాన్ని అందించేందుకు ఏర్పాట్లు చేస్తున్నారు. రైల్వే ఇప్పటికే ముంబై స్టేషన్‌లో ఈ తరహా సదుపాయాలు అందుబాటులోకి తెచ్చారు. డిజటల్‌ లాంజ్‌, కో-వర్కింగ్‌ స్పేస్‌లో అత్యాధు నిక సదుపాయాలు ఉంటాయి. అదే విధంగా హైస్పీడ్‌ వైఫై, చార్జింగ్‌ పాయింట్లు, వీడియో కాన్ఫరెన్సింగ్‌ సదుపాయాలు, ప్రింటింగ్‌ /స్కానింగ్‌ సౌకర్యాలు, ఎయిర్‌-కండిషన్‌ వసతి కలిగిన సైలెంట్‌ వర్క్‌పాడ్‌లు ఏర్పాటు చేస్తున్నారు.

అదే విధంగా ఆఫీసు తరహాలో టేబుల్‌, సౌకర్యవంతమైన కుర్చీలు, టీ, కాఫీ సదుపాయాలు, ఆధునిక టాయిలెట్లు, వాష్‌రూములు ఉంటాయి. భోజనం లేదా అల్పాహారం వంటి సౌకర్యాలూ ఉంటాయి. రైలు కోసం వేచి ఉండే సమయంలో, రెండు రైళ్లు మారాల్సి వచ్చినప్పుడు ఉండే విరామం (గ్యాప్‌)లో ఈ సదుపాయాలను వినియోగించుకుని పని చేసుకోవచ్చు. ఈ ప్రాజెక్ట్‌ను పబ్లిక్‌-ప్రైవేట్‌ భాగస్వామ్య (పీపీపీ) విధానంలో అమలు చేసే అవకాశం ఉందని.. ఈ ఏర్పాట్లతో రైల్వేకు అదనపు ఆదాయం కూడా సమకూరుతుందని రైల్వే అధికారులు చెబుతున్నారు. ముంబై సెంట్రల్‌ రైల్వేస్టేషన్‌లో ఏర్పాటు చేసిన డిజిటల్‌ లాంజ్‌.. రోజూ ఉదయం 7 నుంచిరాత్రి 11 గంటల వరకు ప్రయాణికులకు అందుబాటులో ఉంటుంది. అక్కడ మొదటి గంటకు రూ.200, తర్వాత ప్రతి అదనపు గంటకు రూ.150 చొప్పున చెల్లించి.. డిజిటల్‌ లాంజ్‌, కో-వర్కింగ్‌ స్పేస్‌ సదుపాయాన్ని వినియోగించుకోవచ్చని వివరించారు. సికింద్రాబాద్‌ స్టేషన్‌లోనూ ఏర్పాట్లను బట్టి చార్జీలను నిర్ణయించనున్నారు.

English summary

Secunderabad Railway station offers digital lounges and co-working spaces, allowing passengers to work with high-speed WiFi