దారుణం: ఏడేళ్ల బాలికపై 13 బాలుడి లైంగిక దాడి
హైదరాబాద్: హైదరాబాదులోని ఎల్బీనగర్లో ఓ బస్తీలో దారుణ సంఘటన చోటు చేసుకుంది. ఏడేళ్ల బాలికపై 13 ఏళ్ల బాలుడు లైంగిక దాడికి పాల్పడ్డాడు. ఎల్బీనగర్లోని ఓ బస్తీలో రోజు కూలీ చేసుకునే దంపతులు నివసిస్తున్నారు. వారికి ఏడేళ్ల కూతురు ఉంది.
బాలిక స్థానిక పాఠశాలలో చదువుకుంటోంది. పాఠశాలకు సమీపంలోనే ఓ గుడిసె వేసుకుని వారు నివాసం ఉంటున్నారు. ఆ బాలిక చదువుతున్న పాఠశాలలో ఓ 13 ఏళ్ల బాలుడు చదువుతున్నాడు. వారిద్దరికి పరిచయం ఏర్పడింది. బాలుడి తల్లిదండ్రులు పాత దుస్తులు విక్రయిస్తుంటారు.
సోమవారం ఉదయం ఇద్దరి ఇళ్లలోని పెద్దవాళ్లు తమ తమ పనుల మీద వెళ్లిపోయారు. బోనాల సందర్భంగా పాఠశాలకు సెలవు కావడంతో పిల్లలిద్దరు ఇళ్ల వద్దే ఉండిపోయారు. ఇంట్లో ఒంటరిగా ఉన్న బాలిక వద్దకు సోమవారం మధ్యాహ్నం బాలుడు వచ్చాడు.
ఆడుకుందాం రమ్మంటూ బాలికను బయటకు తీసుకుని వెళ్లాడు. ఆ తర్వాత వర్షం వస్తుందంటూ చెప్పి ఆమెను ఇంట్లోకి తీసుకుని వెళ్లాడు. మాయమాటలు చెప్పి ఆ బాలికపై అతను లైంగిక దాడికి పాల్పడ్డాడు. ఈ విషయం బయటకు చెప్పవద్దని బాలికను బెదిరించాడు.ట
తనకు కడుపులో నొప్పిగా ఉందంటూ బాలిక ఇంటికి వచ్చిన తర్వాత తల్లిదండ్రులకు చెప్పింది. దాంతో బాలికను ఆస్పత్రికి తీసుకుని వెళ్లారు. ఆమెను పరీక్షించిన వైద్యుడు ఆమెపై లైంగిక దాడి జరిగిందని చెప్పారు. దాంతో బాలిక తల్లిదండ్రులు పోలీసులకు ఫిర్యాదు చేశారు. పోలీసులు కేసు నమోదు చేసుకుని దర్యాప్తు ప్రారంభించారు. బాలుడిని అదుపులోకి తీసుకుని ప్రశ్నించారు.
Click it and Unblock the Notifications
Sign in with Google