మత్తిచ్చి, స్టార్ హోటళ్లకు పంపించి: కూతురుతో వ్యభిచారం చేయించిన తల్లి

By Srinivas

Updated: Friday, March 25, 2016, 18:01 [IST]

హైదరాబాద్: భాగ్యనగరంలోని పాతబస్తీలో దారుణం వెలుగు చూసింది. కన్నతల్లే.. తన కూతురును వ్యభిచార రొంపిలోకి దింపిన ఘోర విషయం వెలుగు చూసింది. కూతురుకు మత్తు మందు ఇచ్చి, స్టార్ హోటళ్లకు పంపించి వ్యభిచారం చేయించింది.

ఈ సంఘటన అందర్నీ షాకింగ్‌కు గురి చేస్తోంది. కూతురును వ్యభిచారంలోకి దింపిన ఆ తల్లి ఐదు వివాహాలు చేసుకున్నట్లుగా తెలుస్తోంది. డిగ్రీ పూర్తి చేసిన తన కూతురుతో బలవంతంగా వ్యభిచారం చేయిస్తోంది. వ్యభిచారం కోసం కూతురును స్టార్ హోటళ్లకు పంపించేది.

ఓ సమయంలో కూతురు ఎదురు తిరగడంతో మత్తుమందు ఇచ్చి ఇంటికే విటులను పిలిపించుకునేది. తల్లి ఆగడాలు భరించలేకపోయిన ఆ కూతురు.. మత్తు దిగిపోవడంతో ఇంటి నుంచి పలుమార్లు పారిపోయింది. తెలియకుండా బయటకు వెళ్తే ఆ తల్లి సొంత కూతురినే తన అనుచరులతో కొట్టించేది.

ఆ కూతురు ఎలాగోలా తల్లి నుంచి తప్పించుకొని, బంధువులకు విషయం చెప్పింది. వారి సహకారంతో పోలీసులకు ఫిర్యాదు చేసింది. మత్తు మందు ఇచ్చి, స్టార్ హోటళ్లకు వ్యభిచారానికి పంపించేందని ఆ కూతురు చెప్పారని తెలుస్తోంది. తనను తల్లి నుంచి కాపాడాలని ఆమె పోలీసును వేడుకుంది. పోలీసులు దర్యాఫ్తు చేస్తున్నారు.