రేవంత్ రెడ్డికి షాక్: టీఆర్ఎస్‌లో చేరుతున్న కోడంగల్ టీడీపీ నేతలు

కాంగ్రెస్ పార్టీలో చేరేందుకు సిద్ధమవుతున్న టీడీపీ కీలక నేత రేవంత్ రెడ్డికి సొంత నియోజకవర్గం కోడంగల్‌లో అనుకోని ఎదురుదెబ్బ తగిలింది. రేవంత్ రెడ్డి కేడర్ అంతా టీఆర్ఎస్ పార్టీలో చేరేందుకు సిద్ధమైనట్లు తె

హైదరాబాద్: కాంగ్రెస్ పార్టీలో చేరేందుకు సిద్ధమవుతున్న టీడీపీ కీలక నేత రేవంత్ రెడ్డికి సొంత నియోజకవర్గం కోడంగల్‌లో అనుకోని ఎదురుదెబ్బ తగిలింది. రేవంత్ రెడ్డి కేడర్ అంతా టీఆర్ఎస్ పార్టీలో చేరేందుకు సిద్ధమైనట్లు తెలిసింది. రేవంత్ రెడ్డి కాంగ్రెస్ పార్టీలో చేరడాన్ని నియోజకవర్గంలోని టీడీపీ, రేవంత్ వర్గం తీవ్రంగా వ్యతిరేకిస్తోంది.

ఈ నేపథ్యంలోనే సమూహికంగా ప్రజాప్రతినిధులు, మాజీ జడ్పీటీసీలు, సర్పంచులు, నేతలు, కార్యకర్తలు టీఆర్ఎస్ పార్టీలో చేరాలని నిర్ణయించుకున్నట్లు తెలిసింది. కాగా, పాదయాత్రకు సిద్ధమవుతున్న నేపథ్యంలో సొంత నియోజవర్గంలోని కేడర్ నుంచి వ్యతిరేకత వ్యక్తమవుతుండటం గమనార్హం.

టీఆర్ఎస్ నేత గురునాథరెడ్డిని ఇప్పటికే పలువురు రేవంత్ వర్గం నేతలు కలిసినట్లు సమాచారం. కాంగ్రెస్ పార్టీలో చేరతారా? లేదా? అనే దానిపై స్పష్టత ఇవ్వకపోవడంతో టీడీపీ శ్రేణులు ఆందోళన వ్యక్తం చేస్తున్నాయి.

రేవంత్ ఒకవేళ కాంగ్రెస్ పార్టీలో చేరితే తమ పరిస్థితి ఏంటని ప్రశ్నిస్తున్నారు. అందుకే, ముందస్తుగానే టీఆర్ఎస్ పార్టీలో చేరేందుకు సిద్ధమవుతున్నట్లు పలువురు చెబుతున్నారు. ఎంపీ జితేందర్ రెడ్డితో చర్చించి భారీ ఎత్తున టీడీపీ శ్రేణులను టీఆర్ఎస్ పార్టీలో చేర్చేందుకు సిద్ధమవుతున్నారు.

English summary

Shocking news for Revanth reddy is that his and TDP followers in his own constituency are likely to join in TRS.