పవన్ కల్యాణ్ స్టైల్‌ను శిఖర్ ధావన్ కాపీ కొట్టాడా?

హైదరాబాద్: హైదరాబాద్ సన్ రైజర్స్ బ్యాట్స్‌మన్ శిఖర్ ధావన్ పవర్ స్టార్ పవన్ కల్యాణ్ స్టయిల్‌ను కాపీ కొట్టినట్లు ప్రచారం జరుగుతోంది. ఈ మీడియా సంస్థ ఇందుకు సంబంధించి ఓ వార్తాకథనాన్ని ప్రచురించింది. అందుకు సాక్ష్యంగా శిఖర్ ధావన్ ఫొటోను కూడా జత చేసింది.

పవన్ కళ్యాణ్ స్టైల్‌ అంటే అందరికి గుర్తుకొచ్చేది తన చేతిని మెడ వెనుక వైపు పెట్టుకోవడమనేది. ఈ స్టైల్‌ని కొందరు యువ హీరోలు తమ సినిమాలలో వాడుతూ పవన్ కల్యాణ్‌పై తమకున్న అభిమానాన్ని చాటుకున్నారు. భారత్ డాషింగ్ ఓపెనర్ శిఖర్ ధావన్ కూడా పవన్ స్టైల్ ని కాపీ కొట్టాడా .. అంటే పై ఫోటోని చూస్తే అలానే అనిపిస్తుందని ఆ మీడియా సంస్థ రాసింది.

ప్రస్తుతం సన్ రైజర్స్ హైదరాబాద్ జట్టుకి ఆడుతున్న శిఖర్ అండ్ టీమ్ సభ్యులు తాజాగా అపోలో హాస్పిటల్‌ని సందర్శించారు.ఆ సమయంలో ధావన్ సరదాగా తన చేతిని మెడ వెనుక పెట్టుకున్నారు. వెంటనే ఆ సన్నివేశాన్ని ఫొటో గ్రాఫర్ తన కెమేరాలో బంధించారు.

అయితే ఇది అనుకోకుండా జరిగిందే అయినా పవన్ అభిమానులు మాత్రం తమ హీరో స్టైల్‌ని క్రికేటర్స్ కూడా ఫాలో అవుతున్నారంటూ సరదాగా ముచ్చటించుకుంటున్నారని ఆ వార్తాకథనం సారాంశం.

English summary

A media organisation in his article said that Sun risers Hyderabad cricketer Sikhar Dhawan copied power star Pawan Kalyan style.