నా బతుకేమిటి?: కెసిఆర్కు గాయని మధుప్రియ, క్షమాపణ
హైదరాబాద్: తెలంగాణ రాష్ట్ర ముఖ్యమంత్రి కల్వకుంట్ల చంద్రశేఖర రావుకు గాయని మధుప్రియ ఓ విజ్ఞప్తి చేశారు. ఆమె ఓ టీవీ ఛానల్తో మాట్లాడుతూ ఆ విజ్ఞప్తి చేశారు. తాను ఆరేళ్ల వయసు నుంచి చీరకట్టి తెలంగాణ ఉద్యమంలో పాటలు పాడుతున్నానని చెప్పారు.
ఇన్నేళ్ల పోరాటం తర్వాత అందరు కోరుకున్నట్లు అందరి బతుకులు బాగుపడ్డాయని, మరి తన బతుకు సంగతేమిటని సీఎం కెసిఆర్ను ప్రశ్నించారు. తెలంగాణ సీఎం కెసిఆర్ తనకు దారి చూపించాలని విజ్ఞప్తి చేశారు. అలాగే తన కుటుంబంలో ఇటీవల వచ్చిన వివాదం పైనా స్పందించారు.
తన కుటుంబంలో ఇటీవల చెలరేగిన వివాదం అనంతరం అన్నీ సర్దుకున్నాయన్నారు. తన జీవితం హాయిగా సాగిపోతోందన్నారు. మూడోవ్యక్తి ప్రవేశించడం వల్లే తన భర్తతో విభేదాలు వచ్చాయని, ఆ వివాదం రేగడం వల్ల ఓ విధంగా మంచే జరిగిందన్నారు.
ఈ వివాదం వల్ల తనకు చాలా విషయాలు తెలిశాయన్నారు. గతంలో జరిగిన సంఘటనలన్నీ మర్చిపోయి హాయిగా ఉన్నామన్నారు. అత్తవారి ఇంట్లో తనను బాగా చూసుకుంటున్నారని, నేను ఎవరినైనా బాధపెట్టి ఉంటే క్షమించాలన్నారు.