ట్రంప్ కూతురు ఇటు రావడంలేదేమో: సింగర్ సునీత కామెంట్, ఫేస్ బుక్ లో వైరల్..
హైదరాబాద్లో ప్రతిష్టాత్మకంగా నిర్వహించనున్న ‘గ్లోబల్ ఎంటర్ప్రెన్యూర్షిప్ సమ్మిట్’పై సెలబ్రిటీల నుంచి సామాన్యుల వరకు పలువురు తమదైన రీతిలో స్పందిస్తున్నారు.
Recommended Video
హైదరాబాద్: హైదరాబాద్లో ప్రతిష్టాత్మకంగా నిర్వహించనున్న 'గ్లోబల్ ఎంటర్ప్రెన్యూర్షిప్ సమ్మిట్'పై సెలబ్రిటీల నుంచి సామాన్యుల వరకు పలువురు తమదైన రీతిలో స్పందిస్తున్నారు.
తాజాగా ప్రముఖ గాయని సునీత కూడా ఫేస్బుక్లో కామెంట్ పోస్ట్ చేశారు. ''ట్రంప్ కూతురు ఇవాంక రాయదుర్గం- ఖాజాగూడ రోడ్డు గుండా రావడం లేదేమో? వస్తే బావుండు'' అంటూ సునీత పెట్టిన పోస్టింగ్ ప్రస్తుతం వైరల్గా మారింది.
హైదరాబాద్లో ఇవాంక పర్యటించే ప్రాంతాలన్నీ కొత్త కళను సంతరించుకుంటున్నాయి. ఐటీ కారిడార్, పాతబస్తీలోని రోడ్లన్నీ తళతళలాడుతూ, ఇరువైపులా పెయింటింగ్లు, పచ్చదనంతో ఆ ప్రాంతాల రూపురేఖలే మారిపోయాయి.
ఈ అభివృద్ధి పనులు, సొబగులు అన్నీ ఇవాంక ప్రయాణించే మార్గాలకే పరిమితమా? అన్నట్టుగా సునీత చేసిన కామెంట్పై నెటిజెన్లు విశేషంగా స్పందిస్తున్నారు. ఎప్పుడూ సైలెంట్గా ఉండే సింగర్ సునీత సమస్యల మీద గొంతెత్తడంపై ఆశ్చర్యం వ్యక్తం చేస్తున్నారు.