అసభ్యంగా: ముంబై డ్యాన్సర్లు సహా స్త్రీల అరెస్టు

హైదరాబాద్: అసభ్యంగా నాట్యం చేస్తున్న 11 మందిని పోలీసులు అరెస్టు చేశారు. వీరిలో ఆరుగురు మహిళలు ఉన్నారు. హైదరాబాద్ పారిశ్రామికవాడ కాటేదాన్‌లో గల ప్లాస్టిక్ ఉత్పత్తి కర్మాగారం ఆవరణలో వారిని సోమవారం పోలీసులు అరెస్టు చేశారు.

తమకు అందిన సమాచారం మేరకు పోలీసులు దాడులు నిర్వహించిన ఆరుగురు మహిళలను అరెస్టు చేశారు. వారిలో నలుగురు డ్యాన్సర్లు ముంబైకి చెందినవారు. మరో ఐదుగురు పురుషులను అరెస్టు చేశారు. అరెస్టయిన పురుషుల్లో ప్లాస్టిక్ కర్మాగారం యజమాని కూడా ఉన్నాడు.

అసభ్యంగా నృత్యం చేసినందుకు, అసభ్య కార్యకలాపాలకు పాల్పడినందుకు వారిని అరెస్టు చేసినట్లు మైలార్‌దేవుపల్లి పోలీసు ఇన్‌స్పెక్టర్ లక్ష్మీకాంత్ రెడ్డి చెప్పారు. అరెస్టు చేసిన 11 మందిని పోలీసులు విచారించారు. వారిపై కేసు నమోదు చేసి అరెస్టు చేశారు.

English summary

Eleven persons, including six women, were arrested on Monday for allegedly indulging in obscene dance on the premises of a plastic manufacturing unit at Katedan here, police said.