కరీంనగర్ జిల్లాలో వింత పాము: నోరు తెరిచి అరుస్తోంది(వీడియో)
కరీంనగర్: జిల్లాలో అరిచే పాము కనిపించడం ఇప్పుడు సంచలనంగా మారింది. కరీంనగర్ జిల్లా రామడుగు మండలం వెలిచాల గ్రామంలో ఇందిరమ్మకాలనీలో నీలగిరి చెట్ల మధ్య ఈ పామును గుర్తించారు.
ఆ పాము నోరు తెరిచి వింత అరుపులు చేయడం గమనార్హం. దీంతో పామును చూసిన ప్రజలు భయాందోళనలకు గురవుతున్నారు. కొందరు ఈ పాము నోటితో చేస్తున్న శబ్ధాలను వీడియో తీసి సోషల్ మీడియాలో పోస్టులు చేస్తున్నారు. దీంతో ఈ వీడియో భారీగా వైరల్ అవుతోంది.
పాము వింత వింతగా అరుస్తుండటం స్థానికంగా కలకలం రేపింది. ఈ పామును పట్టుకోవాలని, ఇలాంటి పాములు ఇక్కడ ఎన్ని ఉన్నాయో వాటన్నింటినీ పట్టుకోవాలని అటవీశాఖ అధికారులను కోరుతున్నారు.
Snake in karimnagar, telangana pic.twitter.com/t0udwkN3ly
— raja.g (@grsmnt1) June 6, 2021
అయితే, ఈ వీడియో నెల రోజుల క్రితం మైక్ మార్టిన్ అనే యూట్యూబ్ ఛానల్లో అప్లోడ్ అయ్యిందని, దాన్ని డౌన్లోడ్ చేసిన ఓ వ్యక్తి.. వీడియోని వైరల్ చేశాడని కొందరు చెబుతున్నారు.
Click it and Unblock the Notifications
Sign in with Google