నేటి నుంచి శ్రీ రామానుజాచార్యుల బ్ర‌హ్మోత్స‌వాలు..మార్చి 1న సమతా కుంభ్..

నేటి నుంచి శ్రీ‌రామానుజార్యుల 108 దివ్యదేశాల బ్రహ్మోత్సవాలు ప్రారంభం కానున్నాయి. ఈ బ్ర‌హోత్స‌వాలు మార్చి ఒక‌టి వ‌ర‌కు కొన‌సాగుతాయి. తెలంగాణలోని రంగారెడ్డి జిల్లా ముచ్చింతల్‌ శ్రీరామనగరంలో శ్రీ రామానుజాచార్యుల 216 అడుగుల విగ్రహాన్ని ఆవిష్కరించిన సంగ‌తి తెలిసిందే. ఈ విగ్ర‌హ ఆవిష్క‌ర‌ణ జ‌రిగి రెండేళ్లు పూర్తవుతున్న సందర్భంగా సమతా కుంభ్ 2024 నిర్వహిస్తున్నారు. ఈ సంద‌ర్భంగా మంగళవారం నుంచి మార్చి 1 వరకు శ్రీ రామానుజాచార్య-108 దివ్యదేశాల బ్రహ్మోత్సవాలను నిర్వహిస్తారు.

ఈ బ్రహ్మోత్స‌వాలు 11 రోజుల పాటు జ‌ర‌గ‌నున్నాయి. శ్రీశ్రీశ్రీ త్రిదండి చిన్న జీయర్ స్వామి సమతా కుంభ్ 2024కు శ్రీకారం చుట్టారు. ఈ బ్ర‌హ్మోత్స‌వాల్లో భాగంగా ఫిబ్రవరి 25న 108 దివ్యదేశాల మూర్తులకు ఒకేసారి శాంతి కల్యాణం జరిపించేందుకు ఏర్పాట్లు చేయ‌నున్నారు. 11 రోజుల పాటు జరిగే శ్రీ రామానుజాచార్యుల బ్రహ్మోత్సవాలకు దేశవిదేశాల నుంచి భక్తులు త‌ర‌లిరానున్నారు. మంగళవారం రామానుజాచార్యులకు అభిషేకంతో సమతా కుంభ్-2024 ప్రారంభం కానుంది.

11 రోజుల‌పాటు జ‌రిగే కార్య‌క్ర‌మాలు..

శ్రీ రామానుజాచార్య సమతా భావాన్ని ప్రపంచానికి చాటిచెప్పేందుకు, సమాజంలో సమాతా స్పూర్తిని నింపేందుకు 216అడుగుల శ్రీ రామానుజాచార్యుల విగ్రహాన్ని తెలంగాణ‌లో ఏర్పాటు చేయ‌డం జ‌రిగింది. విగ్ర‌హ ఆవిష్క‌ర‌ణ జ‌రిగి రెండేళ్లు పూర్తవుతున్న సందర్భంగా సమతా కుంభ్ 2024 నిర్వహిస్తున్నారు. స‌మ‌తా కుంభ్‌లో భాగంగా తోమ్మిది కుండాలతో ఒక యాగశాలను ఏర్పాటు చేయ‌నున్నారు. ప్రతిరోజూ స్వామివారికి 18 మంది గరుత్మంతులతో గరుడ వాహన సేవ నిర్వహించనున్నారు.

ఫిబ్రవరి 21న సూర్యప్రభ వాహనసేవతో పాటు శేష వాహన సేవ, 25వ తేదీన 108 దివ్యదేశాల మూర్తులకు ఒకేసారి శాంతి కల్యాణం జరిపించ‌న‌నున్నారు.ఫిబ్రవరి 26వ తేదీన ఉదయం 11.30 గంటలకు వసంతోత్సవంతో పాటు సాకేత రామచంద్రప్రభువుకు గరుడ సేవ నిర్వహించనున్నారు. 27న డోలోత్సవం, అశ్వ వాహనసేవ, ఫిభ్రవరి 28న తెప్పోత్సవం నిర్వహించేందుకు ఏర్పాట్లు చేస్తున్నారు.

ఇక‌, ఈ నెల 29న ఉద‌యం 9కి శ్రీ సాకేత రామచంద్రప్రభువుకు రథోత్సవం, విరజా పుష్కరిణిలో చక్రస్నానం నిర్వహిస్తారు. వ‌చ్చే నెల 1న శ్రీ పుష్పయాగం నిర్వహించి, సాయంత్రం మహా పూర్ణాహుతి కార్యక్రమంతో సమతా కుంభ్ -2024 ఉత్సవాలు ముగుస్తాయి. ఈ 11 రోజుల పాటు దేశ విదేశాల నుంచి వచ్చే కళాకారులచేత సాంస్కృతిక కార్యక్రమాలను నిర్వహిస్తారు.

English summary

The Brahmotsavams of 108 divyadesas of Sri Ramanuja are going to start from today. These celebrations will continue till March 1,