విద్యార్థినితో ఉపాధ్యాయుడి అసభ్య ప్రవర్తన.. కుటుంబ సభ్యుల బడితె పూజ
అసభ్యంగా ప్రవర్తించిన ఓ కీచక ఉపాధ్యాయుడికి విద్యార్థిని తల్లిదండ్రులు బడితె పూజ చేసిన ఘటన ఇది.
హైదరాబాద్: అసభ్యంగా ప్రవర్తించిన ఓ కీచక ఉపాధ్యాయుడికి విద్యార్థిని తల్లిదండ్రులు బడితె పూజ చేసిన ఘటన ఇది. ఉప్పల్ లోని భరత్ నగర్ లో ఉన్న ఓ ప్రైవేటు పాఠశాలలో ఈ ఘటన చోటు చేసుకుంది.
వివరాల్లోకి వెళితే... సదరు ప్రైవేటు పాఠశాలలో ఆరో తరగతి చదువుతున్న ఓ బాలిక పట్ల అదే పాఠశాలలో ఉపాధ్యయుడిగా పనిచేస్తున్న నవీన్ అసభ్యంగా ప్రవర్తించసాగాడు. మొదట్లో ఆ బాలిక పట్టించుకోకపోయినా ఈ మధ్య అతడి వేధింపులు అధికం అయ్యాయి.
దీంతో ఆ బాలిక ఈ విషయాన్ని తన తల్లిదండ్రుల దృష్టికి తీసుకెళ్లింది. దీంతో ఆమె కుటుంబ సభ్యులు, బంధువులు ఆ పాఠశాలకు చేరకుని సదరు ఉపాధ్యయుడికి దేహశుద్ధి చేశారు.
అంతేకాకుండా చదువు చెప్పాల్సిన ఉపాధ్యాయులు ఇలా చేయవచ్చా అంటూ ఆ పాఠశాల యాజమాన్యాన్ని నిలదీశారు. కీచకుడైన ఉపాధ్యాయుడిని నియమించుకున్న ఆ ప్రైవేటు పాఠశాల అనుమతులు రద్దు చేయాలంటూ డిమాండ్ చేశారు.
Comments
English summary
The parents and relatives of a girl who is studying sixth class in a private school went to school and beated a teacher who is working in that school. The parents of the girl alleges that the teacher Naveen is harrasing her daughter sexually. They demanded the management of the school to remove such teachers from school like him.
Story first published: Saturday, April 8, 2017, 16:26 [IST]