విద్యార్థినితో అసభ్య ప్రవర్తన: ఉపాధ్యాయుడిపై కేసు
హైదరాబాద్: విద్యార్థిని పట్ల అసభ్యంగా ప్రవర్తించిన ఓ ఉపాధ్యాయుడి పైన హైదరాబాదులోని వనస్థలిపురం పోలీసు స్టేషన్లో కేసు నమోదైంది. వనస్థలిపురంలోని ఓ ప్రయివేటు పాఠశాలలో చదువుతున్న విద్యార్థినితో అదే పాఠశాలకు చెందిన ఫిజిక్స్ ఉపాధ్యాయుడు హేమ కుమార్ కొన్ని రోజులుగా అసభ్యంగా ప్రవర్తిస్తున్నాడు.
అతని వయస్సు 26. అసభ్యంగా ప్రవర్తిస్తూ అతను వేధిస్తున్నాడు. ఆ విద్యార్థిని ఎనిమిదో తరగతి చదువుతోంది. ఈ విషయమై ఆ బాలిక తన తల్లిదండ్రులకు చెప్పింది. వారు ఈ విషయాన్ని పాఠశాల యాజమాన్యం దృష్టికి తీసుకు వచ్చారు. అనంతరం వారు పోలీసు స్టేషన్లో ఫిర్యాదు చేశారు.
పోలీసులు కేసు నమోదు చేసుకొని నిందితుడ్ని అదుపులోకి తీసుకున్నారు. ఈ విషయం తెలుసుకున్న విద్యార్థి సంఘాలు సదరు ఉపాధ్యాయుడి పైన కఠిన చర్యలు తీసుకోవాలని డిమాండ్ చేస్తూ పాఠశాల వద్దకు వచ్చారు. వారు కిటికీ అద్దాలు పగులగొట్టారు. పోలీసులు ముగ్గురు విద్యార్థులను అదుపులోకి తీసుకున్నారు.
Click it and Unblock the Notifications
Sign in with Google