Telangana Muncipal election results 2026: లెక్క తెలుతోంది. BRS కు ఎన్ని స్థానాలంటే..

తెలంగాణ వ్యాప్తంగా ఈ నెల 11వ తేదీన జరిగిన మున్సిపల్ ఎన్నికల కౌంటింగ్ ప్రక్రియ కొనసాగుతోంది. రాష్ట్రంలోని ప్రధాన నగర పాలక సంస్థలు, మున్సిపాలిటీల్లో ఓటర్లు ఎవరికి పట్టం కట్టారో మరికొద్ది గంటల్లో తేలనుంది. ఉదయం 8 గంటల నుంచే స్ట్రాంగ్ రూమ్‌ల వద్ద కట్టుదిట్టమైన భద్రత మధ్య ఓట్ల లెక్కింపు మొదలవగా, అధికార, ప్రతిపక్ష పార్టీల అభ్యర్థుల్లో టెన్షన్ నెలకొంది. ప్రధానంగా అధికార కాంగ్రెస్, బీఆర్ఎస్ మరియు బీజేపీల మధ్య త్రిముఖ పోటీ నెలకొన్న ఈ ఎన్నికలు, రాష్ట్ర రాజకీయాల్లో అత్యంత కీలకంగా మారాయి.

పోస్టల్ బ్యాలెట్ ఓట్ల లెక్కింపు పూర్తయిన తర్వాత, వార్డుల వారీగా ట్రెండ్స్ వెలువడనున్నాయి. మున్సిపల్ పీఠాలను దక్కించుకునేందుకు ప్రధాన పార్టీలు వ్యూహప్రతివ్యూహాలు సిద్ధం చేసుకోగా, స్వతంత్ర అభ్యర్థులు సైతం గట్టి పోటీ ఇస్తున్నారు. ఏ పార్టీకి స్పష్టమైన మెజారిటీ వస్తుంది? ఎక్కడ హంగ్ ఏర్పడబోతోంది? గెలుపు గుర్రాలు ఎవరు? వంటి తాజా సమాచారాన్ని క్షణక్షణానికి తెలుసుకోవడానికి మా లైవ్ బ్లాగ్‌ను ఫాలో అవ్వండి. ఫలితాల పూర్తి విశ్లేషణ, విజేతల జాబితా మీ కోసం ఇక్కడ అందిస్తున్నాం.