• search

మరో తీపి కబురు: 2,786 ఉద్యోగాలకు నోటిఫికేషన్

Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    హైదరాబాద్‌: తెలంగాణ ప్రభుత్వం నిరుద్యోగులకు మరో తీపి కబురునందించింది. తెలంగాణ రాష్ట్ర ఆవిర్భావ వేడుకల సందర్భంగా టీఎస్‌పీఎస్సీ 2786 ఉద్యోగాలకు నోటిఫికేషన్‌ జారీచేసింది.

    గ్రూప్‌-4, వీఆర్వో, ఆర్టీసీ, అసిస్టెంట్‌ స్టాటిస్టికల్‌ ఆఫీసర్‌ (ఏఎస్‌వో), హోం, రెవెన్యూ శాఖలో స్టెనో ఉద్యోగాల భర్తీకి సంబంధించి మొత్తం 5 నోటిఫికేషన్లు ఇచ్చింది. గ్రూప్‌-4లో 1421, ఆర్టీసీలో 31 జూనియర్‌ అసిస్టెంట్‌ ఉద్యోగాలు ఉన్నాయి. వీటన్నింటికీ జూన్ 7 నుంచి వచ్చే నెల 7వ తేదీ వరకు దరఖాస్తులు స్వీకరించాలని టీఎస్‌పీఎస్సీ అధికారులు నిర్ణయించారు. వీటన్నింటికీ అక్టోబర్‌ 7న పరీక్ష నిర్వహిస్తారు.

    కాగా, ఈ పరీక్షలను ఆన్‌లైన్లో నిర్వహించాలా? లేదంటే ఆఫ్‌లైన్లోనా అనేది దరఖాస్తులు సంఖ్యను బట్టి నిర్ణయించాలని భావిస్తున్నారు. అలాగే, ఎకనమిక్స్‌, స్టాటిస్టిక్స్‌ విభాగంలో సహాయ గణాంక అధికారి, మండల ప్రణాళికా గణాంక అధికారి ఉద్యోగాలు 774 భర్తీ చేయనున్నారు. వాటికి సంబంధించి ఈ నెల 8 నుంచి జులై 2 వరకు ఆన్‌లైన్‌లో దరఖాస్తులు స్వీకరించి సెప్టెంబర్‌ 2న పరీక్ష నిర్వహిస్తారు.

     Telangana State to fill 2,786 posts; TSPSC to issue notification

    ఈ నోటిఫికేషన్‌లో కీలకమైనది వీఆర్వో ఉద్యోగాలు. వీటికి లక్షల సంఖ్యలో దరఖాస్తులు వస్తాయని అధికారులు భావిస్తున్నారు. దీనికి ఈ నెల 8 నుంచి జులై 2 వరకు దరఖాస్తులు స్వీకరించి సెప్టెంబర్‌ 16న పరీక్ష నిర్వహించాలని నిర్ణయించారు.

    రెవెన్యూ, హోంశాఖలలో 19 స్టెనో ఉద్యోగాలకు ఈ నెల 11 నుంచి సెప్టెంబర్‌ 2 వరకు దరఖాస్తులు స్వీకరిస్తారు. అయితే, ఈ పరీక్ష తేదీని ఇంకా ఖరారు చేయలేదు. ఎప్పుడు పరీక్ష నిర్వహిస్తారనేది తర్వాత నిర్ణయించనున్నారు. మొత్తమ్మీద వీఆర్వో ఉద్యోగాలకు ఇంటర్‌ కనీస విద్యార్హతగా నిర్ణయించారు. రెండ్రోజుల క్రితమే 18వేల పోలీసు ఉద్యోగాలకు నోటిఫికేషన్ వెలువడిన విషయం తెలిసిందే.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    On the eve of State Formation Day, the Telangana State Public Service Commission (TSPSC) announced that 2,786 vacancies under Group-IV, VRO and ASO categories would be notified on Saturday.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more