సానియా మిర్జాకు ఖేల్రత్న: సాధించిన అసమాన విజయాలు
హైదరాబాద్: భారత టెన్నిస్ క్రీడాకారిణి సానియా మీర్జాకు కేంద్ర ప్రభుత్వం క్రీడా రంగంలో అత్యున్నత పురస్కారం ఇస్తోంది. టెన్నిస్ ఆటలో విశేష కృషి చేసినందుకు సానియాకు కేంద్రం రాజీవ్ ఖేల్ రత్న అవార్డును ప్రకటించనుంది. జూన్ నెలలో మార్టినా హింగిస్తో కలిసి వింబుల్డన్ డబుల్ టైటిల్ నెగ్గింది.
టెన్నీస్లో సానియా మీర్జా సాధించిన గొప్ప విజయాలకు గుర్తింపుగా క్రీడల మంత్రి శర్బానంద సోనోవాల్, ఈ అవార్డుకు ఆమె పేరును సిఫారసు చేసిన విషయం తెలిసిందే. కాగా, ఖేల్రత్న అవార్డు రేసులో స్క్వాష్ ప్లేయర్ దీపికా పల్లికల్, డిస్కస్ త్రోయర్ వికాస్ గౌడ తదితరులు పోటీపడినప్పటికీ సానియాకే ఈ అవార్డు దక్కనుంది.
అయితే దీనిపై ఇంకా అధికారిక ప్రకటన వెలువడాల్సి ఉంది. కెరీర్లో తొలిసారి వింబుల్డన్ డబుల్స్ టైటిల్ సాధించిన సానియా మిర్జా ప్రస్తుతం డబ్ల్యూటీఏ ర్యాంకింగ్స్లో నంబర్వన్ ర్యాంక్లో కొనసాగుతోంది. క్రీడా జీవితంలో ఎన్నో ఒడిదుడుకులను తట్టుకుని అసమాన ఆటతీరు కనబర్చింది.
సానియా మిర్జా సాధించిన విజయాలు:
గ్రాండ్ స్లామ్ టైటిల్స్
* 2003 అలీసా క్లెనోవా(రష్యా)తో కలిసి బాలికల విభాగంలో వింబుల్డన్ డబుల్స్ విజేత
* 2009 మహేష్ భూపతితో కలిసి ఆస్ట్రేలియా ఓపెన్ మిక్స్డ్ డబ్సుల్ టైటిల్
* 2012 మహేష్ భూపతితో కలిసి ఫ్రెంచ్ ఓపెన్
* 2014 బ్రునో సోరెస్(బ్రెజిల్)తో కలిసి యూఎస్ ఓపెన్
ఆఫ్రో-ఆసియన్ గేమ్స్ (హైదరాబాద్):
* 2003 మహిళల సింగిల్స్ టైటిల్
* 2003 మహిళల డబుల్స్ టైటిల్
* 2003 మిక్సడ్ డబుల్స్ టైటిల్
* 2003 మహిళల టీమ్ టైటిల్
ఆసియా గేమ్స్:
* 2000 బుసాన్ - మిక్స్డ్ డబుల్స్ టైటిల్
* 2006 దోహా - మిక్స్డ్ డబుల్స్ టైటిల్
* 2006 దోహా - మహిళల సింగిల్స్ టైటిల్
* 2006 దోహా - మహిళల టీమ్ టైటిల్
* 2011 గ్వాంగ్ గ్జౌ - మిక్స్డ్ డబుల్స్ టైటిల్
* 2011 గ్వాంగ్ గ్జౌ - మహిళల సింగిల్స్ టైటిల్
* 2014 ఇంచియాన్ - మహిళల డబుల్స్ టైటిల్
* 2014 ఇంచియాన్ - మిక్స్డ్ డబుల్స్ టైటిల్
కామన్వెల్త్ గేమ్స:
* 2010 ఢిల్లీ- మహిళల సింగిల్స్ టైటిల్
* 2010 ఢిల్లీ- మహిళల డబుల్స్ టైటిల్
* 2005 డబ్ల్యూటీఏ న్యూకమర్ ఆఫ్ ది ఇయర్
కేంద్ర ప్రభుత్వం నుంచి సానియా అందుకున్న పురస్కారాలు:
* 2004 అర్జున అవార్డు
* 2006 పద్మశ్రీ
* 2014 తెలంగాణ బ్రాండ్ అంబాసిడర్గా నియామకం
Click it and Unblock the Notifications
Sign in with Google