TGSPDCL: ఫోన్ పే, గూగుల్ పే, అమెజాన్ పే, పేటీఎంలో కరెంట్ బిల్ పే చేస్తున్నారా..!

ఒకప్పుడు కరెంట్ బిల్లు కట్టాలంటే.. విద్యుత్ కార్యాలయానికి వెళ్లి కట్టాలి. అక్కడ క్యూ ఉంటే క్యూలో నిలబడి మరి కట్టేవాళ్లం. కానీ యూపీఐ పేమెంట్లు వచ్చిన తర్వాత కరెంట్ బిల్లు కట్టడం సింపుల్ అయింది. కరెంట్ బిల్లే కాదు మొబైల్ ఫోన్ రీఛార్జీ కూడా యూపీఐతోనే చేస్తున్నాం. డీటీహెచ్, బీమా పాలసీ ప్రీమియం ఇలా ప్రతి ఒక్కటి యూపీఐ చేస్తున్నాం. కరెంట్ బిల్లు చెల్లింపు విషయమై టీజీఎస్పీడీసీఎల్(TGSPDCL) సంచలన నిర్ణయం తీసుకుంది.

ఆర్బీఐ ఆదేశాల ప్రకారం ఫోన్ పే, గూగుల్ పే, పేటీఎం, అమెజాన్ పే నుంచి బ్యాంకులు విద్యుత్ బిల్లులు స్వీకరించడం నిలివేశాయని టీజీఎస్పీడీసీఎల్ పేర్కొంది. వినియోగదారులు దయచేసి టీజీఎస్పీడీసీఎల్ వెబ్ సైట్ లేదా టీజీఎస్పీడీసీఎల్ యాప్ ద్వారా బిల్లు చెల్లించాలని కోరింది. " ప్రియమైన వినియోగదారులారా, RBI ఆదేశాల ప్రకారం, సర్వీస్ ప్రొవైడర్లు అనగా PhonePe, Paytm, Amazon Pay, Google Pay మరియు బ్యాంకులు TGSPDCL w.e.f. విద్యుత్ బిల్లులను అంగీకరించడం నిలిపివేశాయి. 01/07/2024. అందువల్ల, వినియోగదారులందరూ దయచేసి TGSPDCL వెబ్‌సైట్/TGSPDCL మొబైల్ యాప్ ద్వారా నెలవారీ కరెంట్ బిల్లు చెల్లింపులను చేయవలసిందిగా అభ్యర్థిస్తున్నాం" అని ట్వీట్ చేసింది.

పేటీఎం, ఫోన్ పే, గూగుల్ పే, అమెజాన్ పే ద్వారా కాకుండా TGSPDCL వెబ్‌సైట్/TGSPDCL మొబైల్ యాప్ ద్వారా నెలవారీ కరెంట్ బిల్లు చెల్లించవచ్చు. దీనిపై వినియోగదారులు రకరకాల కామెంట్లు చేస్తున్నారు. TGSPDCL వెబ్‌సైట్/TGSPDCL మొబైల్ యాప్ ద్వారా నెలవారీ కరెంట్ బిల్లు చెల్లించవచ్చని చెప్పినందుకు ధన్యవాదాలను చెప్పారు. మరి కొందరు పేటీఎం, ఫోన్ పే, గూగుల్ పే, అమెజాన్ పే ద్వారా ఎందుకు బిల్లు చెల్లించకూడదో చెప్పాలన్నారు.

Dear Consumers, As per the RBI directions, the Service Providers viz., PhonePe, Paytm, Amazon Pay, Google Pay and Banks have stopped to accept the electricity bills of TGSPDCL w.e.f. 01/07/2024. Hence, all the consumers are requested to make the monthly current bill payments…

— TGSPDCL (@tgspdcl) July 1, 2024

English summary

TGSPDCL refusing bill payments through Phone Pay, Google Pay, Amazon Pay, Paytm