నగరానికి వ్యాపించిన కొత్త సంస్కృతి..! టాటూలతో మురిసిపోతున్న యువత..!!
Recommended Video
హైదరాబాద్ : పచ్చబొట్టు చెరిగీ పోదూలే.. నా రాజా.. అని ఓ మహానుభావుడు అన్నట్టు అది ఇప్పుడు యువతలో ట్రెండీగా మారింది. ఇంత కాలం ఎక్కడో విదేశాల్లో ఉండే పచ్చ బొట్టు అదే టాట్టూ సంస్క్రుతి ఇప్పుడు హైదరాబాద్ నగరాన్ని తాకింది. ఐతే ఈ పచ్చ బొట్టు అనే మాట ఇప్పటిమాటకాదు. చాలా ఏళ్ళ నుంచి వింటున్న మాటే. నచ్చినపేరో, మెచ్చిన డిజైనో చేతులపై.. పచ్చబొట్టుగా ముద్రించుకోవడం తరతరాలుగా చూస్తున్నది.. వింటున్నదే.
జీవితాంతం చెరగని గుర్తుగా శరీరంపై శాశ్వంతంగా ఉండిపోయే పచ్చబొట్టు.. ఇప్పుడు కొత్తగా 'టాటూ'గా రూపాంతరం చెంది ఫ్యాషన్ ప్రపంచంలో సరికొత్తట్రెండ్కు బాటలు వేస్తోంది. రాచరికపు కాలంలో వారి, రాజరికానికి గుర్తుగా నిలిచి, తర్వాత ప్రేమైక బంధాల చిహ్నంగా సమాజంలో పలురకాలుగా విస్తరించిన నాటి పచ్చబొట్టు, ఆధునిక హంగులు దిద్దుకోవడంతోపాటు.. ఈపచ్చబొట్టు కళ(టాటూ ఆర్ట్) చాలామంది యువతకు జీవనోపాధిగానూ మారుతోంది.ఇదే టాట్టూ సంస్కృతి ఇప్పుడు నగరాన్ని పలకరిస్తోంది. ట్యాంక్ బండ్ చుట్టుపక్కల టాట్టూ కళాకారులు రకరాకల డిజైన్లతో నగర యువతను ఆకర్శిస్తున్నారు.
ఇష్టమైన వారి పేర్లు, మనసుకు నచ్చిన డిజైన్ శరీరం మీదనో, చేతి మీదనో వేయించుకుని సంబరపడిపోతున్నారు నగర యువత. అంతే కాకదుండా పెళ్ళి, పుట్టినరోజు, కిట్టీపార్టీ, గెట్ టుగెదర్ పార్టీ.. ఇలా నలుగురు కలిసే ఏ సరదా కార్యక్రమం అయినా అక్కడ టాటూ కళ చొరబడి రంగురంగుల సరదాలు పంచిపెడుతుంది. ఒకప్పటి పచ్చబొట్టు ఎప్పటికీ చెరగని చిహ్నాలుగా మిగిలిపోతే, ఇప్పటి పచ్చబొట్లుమాత్రం సీతాకోకచిలుకల రూపంలో అలరిస్తున్నాయి.
ఫ్యాషన్ ట్రెండ్కు అనుగుణంగా రకరకాలు రూపాల్లో విస్తరిస్తున్న టాటూ కల్చర్ ట్రెండీగా మారింది. ఇక ఈ టాట్టూలు ధర కూడా అందుబాటులో ఉన్నట్టు తెలుస్తోంది. డిజైన్ ఐతే ఒక రేటు, పేరు ముద్రించాలంటే ఒక్క లెటర్ కు ఇంత రేటని కళాకారులు నిర్థారించుకున్నారు. ట్యాంక్ బండ్ చుట్టుపక్కల వ్యాపించిన టాట్టూ కల్చర్ పై యువత పెద్ద ఎత్తున ఆకర్శితులవుతున్నట్టు తెలుస్తోంది.
Click it and Unblock the Notifications
Sign in with Google