బతుకమ్మ వేడుకల్లో స్టెప్పులేసిన ఉపాసన

తెలంగాణ సంస్కృతి, సంప్రదాయాలకు ప్రతీక అయిన బతుకమ్మ పండుగ వైభవం దేశ రాజధాని ఢిల్లీ వీధుల్లో మెరిసింది. ప్రముఖ నటుడు రామ్‌చరణ్ సతీమణి, బిజినెస్ ఉమెన్ ఉపాసన కొణిదెల ఈ వేడుకల్లో ముఖ్య అతిథిగా పాల్గొని, ఢిల్లీ సీఎం రేఖా గుప్తా ,తెలుగు విద్యార్థులతో కలిసి ఉల్లాసంగా బతుకమ్మ ఆడారు.

ఢిల్లీలోని రాంజాస్ కాలేజీలో తెలుగు స్టూడెంట్స్ అసోసియేషన్ మరియు తెలంగాణ టూరిజం ఆధ్వర్యంలో శనివారం ఈ బతుకమ్మ వేడుకలు ఘనంగా జరిగాయి.ముఖ్య అతిథులుగా హాజరైన ఢిల్లీ సీఎం రేఖా గుప్తా, ఉపాసన కొణిదెల... ఉత్సాహంగా విద్యార్థులతో కలిసి బతుకమ్మ ఆడిపాడారు. తెలంగాణ సంస్కృతిని సగర్వంగా చాటుతూ, సాంప్రదాయ దుస్తుల్లో ఉపాసన చేసిన సందడికి సంబంధించిన ఫొటోలు, వీడియోలు సోషల్ మీడియాలో వైరల్ అయ్యాయి.

బతుకమ్మ వేడుకల అనంతరం ఉపాసన కొణిదెల సోషల్ మీడియా వేదికగా ఈ వేడుకల గురించి పంచుకున్నారు.ఈ పండుగ కాలంలో మనలో ప్రతి ఒక్కరిలోనూ ఉన్న దేవిని సత్కరించుకొని, మన బలాన్ని కలిసి జరుపుకుందాం అని ఆమె పేర్కొన్నారు.

Thank you, @gupta_rekha Ji and the students of Ramjas College, Delhi, for embracing & celebrating Telangana culture with such love & respect.
This festive season, let’s honor the Devi within each of us & celebrate our strength together.

బతుకమ్మ శుభాకాంక్షలు, नवरात्रि की… pic.twitter.com/OhFxYwQv72

— Upasana Konidela (@upasanakonidela) September 28, 2025

ఢిల్లీ సీఎం రేఖా గుప్తాకు కృతజ్ఞతలు తెలుపుతూ, మీరు ఒక అద్భుతమైన సీఎం... తెలంగాణ సంస్కృతిని ఆప్యాయంగా ఆహ్వానించి, బతుకమ్మ పండుగను మాతో కలిసి జరుపుకున్నందుకు ధన్యవాదాలని ఉపాసన ట్వీట్ చేశారు. రాష్ట్ర సరిహద్దులు దాటి, దేశ రాజధానిలో బతుకమ్మ పండుగ వైభవాన్ని చాటిన ఈ వేడుకలు, తెలంగాణ సంస్కృతికి దక్కిన గౌరవంగా నెటిజన్లు ప్రశంసిస్తున్నారు.

English summary

Upasana Konidela attended Bathukamma in Delhi with CM Rekha Gupta and students; Event held at Ramjas College by Telugu Students Association & Telangana Tourism; Upasana praised Delhi CM for welcoming the culture; Photos/videos went viral, showcasing cultural pride