మేకిన్ ఇండియా: అనిల్ కుంబ్లే ఎంపికపై హీరో వెంకటేష్ కామెంట్

Updated: Friday, June 24, 2016, 18:40 [IST]

హైదరాబాద్: టాలీవుడ్ నటుడు వెంకటేష్ టీమిండియా హెడ్ కోచ్‌గా నియమితులైన అనిల్ కుంబ్లేకు శుభాకాంక్షలు తెలిపారు. ఆయన సామాజిక అనుసంధాన వేదికలో కుంబ్లేకు శుక్రవారం నాడు కంగ్రాట్స్ చెప్పారు.

హెడ్‌కోచ్‌గా కుంబ్లే, బ్యాటింగ్ కోచ్‌గా శాస్త్రి: కోహ్లీ చక్రం!

'వచ్చే ఏడాది వరకు భారత క్రికెట్ జట్టు హెడ్ కోచ్‌గా ఎన్నికైన అనిల్ కుంబ్లేకు శుభాకాంక్షలు. ఈ ఎంపిక సరైన నిర్ణయం. నిజంగా ఇది భారత్‌కు మేక్ ఇన్ ఇండియా క్షణం' అని తన ఫేస్‌బుక్‌లో పోస్ట్ పెట్టారు. వెంకటేష్ కామెంట్ పైన పలువురు స్పందించారు.

హెడ్‌కోచ్‌గా కుంబ్లే, రవిశాస్త్రి అసహనం: అత్యుత్సాహంతో..

కాగా, భారత క్రికెట్ జట్టు హెడ్ కోచ్‌గా అనిల్ కుంబ్లేను నియమించిన విషయం తెలిసిందే. గురువారం ధర్మశాలలో బీసీసీఐ సమావేశం జరిగింది. ఈ సమావేశంలో సచిన్ టెండుల్కర్, సౌరవ్ గంగూలీ, వీవీఎస్ లక్ష్మణ్‌లు పాల్గొన్నారు. ఈ సమావేశంలో ప్రధాన కోచ్‌ను ఎంపిక చేశారు.