భవనం కూలిన ఘటన, మంత్రి కుటుంబసభ్యులను కూడా వదలం

నానక్ రామ్ గూడ లో భవనం కూలిన ఘటనలో మంత్రి కుటుంబ సభ్యులు నిందితులని తేలితే ఉపేక్షించబోమని రాష్ట్ర తెలంగాణ శాఖ మంత్రి కెటిఆర్ చెప్పారు.

హైదరాబాద్ :నానక్ రామ్ గూడలో భవనం కూలిన ఘటనలో తెలంగాణ ప్రభుత్వం సీరియస్ గా స్పందించింది. ఈ ఘటనలో ఎంతటివారున్నా ఉపేక్షించేది లేదని ప్రభుత్వం స్పష్టం చేసింది. సంఘటన స్థలాన్ని రాష్ట్ర మున్సిఫల్ శాఖ మంత్రి కెటిఆర్, సినిమాటోగ్రఫీ శాఖ మంత్రి తలసాని శ్రీనివాస్ యాదవ్ లు సందర్శించారు. ఈ ఘటనలో మంత్రి కుటుంబసభ్యులు నిందితులని తేలితే వదిలేది లేదన్నారు కెటిఆర్.

మంత్రి కుటుంబ సభ్యులను వదిలేయం

నానక్ రామ్ గూడలో భవనం కూలిపోయిన ఘటనలో సహయక చర్యలను మంత్రి కెటిఆర్ శుక్రవారం నాడు పర్యవేక్షించారు. ఈ భవన యజమానికి ఓ మంత్రికి అతి సన్నిహితంగా ఉండేవాడని మీడియాలో వార్తలు రావడంతో , ఈ విషయాన్ని మీడియా ప్రతినిధులు మంత్రి వద్ద ప్రస్తావించారు. ఈ ఘటనలో నిందితులని తేలితే మంత్రి కుటుంబసభ్యులను కూడ వదిలే ప్రసక్తే లేదన్నారు కెటిఆర్.భవన యజమానిని అరెస్టు చేస్తామన్నారు మున్సిఫల్ శాఖ మంత్రి.

ఈ ఘటనలో చనిపోయినవారికి 10 లక్షలు, క్షతగాత్రులకు లక్ష రూపాయలను పరిహరంగా చెల్లించనున్నట్టు మంత్రి ప్రకటించారు. విధుల్లో నిర్లక్ష్యంగా వ్యవహారించిన డిప్యూటీ కమీషనర్ ను, ఎసిపి ని విధుల నుండి తప్పించినట్టు మంత్రి చెప్పారు.వీరిపై కఠిన చర్యలు తీసుకోవాలని ఆదేశించినట్టు చెప్పారు.భవన యజమాని ప్రస్తుతం పరారీలో ఉన్నాడని మంత్రి చెప్పారు.సత్యనారాయణసింగ్ కుటుంబంలో ఒకరిని అదుపులోకి తీసుకొన్నామని చెప్పారు మంత్రి.

గ్రామకంఠంలో నిర్మాణాలకు ఎలా అనుమతిచ్చారని ఆయన ప్రశ్నించారు. అక్రమ నిర్మాణాలకు సంబంధించి ప్రభుత్వం కఠినంగా వ్యవహారిస్తోందని చెప్పారు. ఈ మేరకు కొత్తగా చట్టాన్ని తీసుకు వస్తున్నామన్నారు. మరో వైపు అక్రమ నిర్మాణాలను కూల్చివేసే చర్యలను ప్రారంభించినట్టు మంత్రి చెప్పారు.

Deeply anguished at the loss of life in building collapse in Nanakramguda. Stationed here at the site monitoring relief & rescue operations

— KTR (@KTRTRS) December 9, 2016

Suspended town planning ACP &GHMC Deputy Commissioner, announced exgratia 10 lakhs to deceased & setup special police team to arrest builder

— KTR (@KTRTRS) December 9, 2016

English summary

telangana government taken nanakramguda building collapse issue serious, if anu minister family members involve this case, we are take serious action said state municipal minister ktr. government take all necessary action said minister.