ఓవైసీ అటాక్: వివాహేతర సంబంధాలు నేరం కానప్పుడు ట్రిపుల్ తలాక్ నేరం ఎలా అవుతుంది..?

ఐపీసీ సెక్షన్ 497 పై సుప్రీంకోర్టు చారిత్రక తీర్పు ఇచ్చిన నేపథ్యంలో దేశమంతా ప్రశంసల వర్షం కురిపిస్తుండగా... మజ్లిస్ నేత అసదుద్దీన్ ఓవైసీ మాత్రం తనదైన శైలిలో నిప్పులు చెరిగారు. ఐపీసీ సెక్షన్ 497 ను ట్రిపుల్ తలాక్‌తో పోలుస్తూ ఆయన వరుస ట్వీట్లు చేశారు. ముస్లిం మహిళల హక్కులు పై తెచ్చిన ఆర్డినెన్స్ మాత్రం న్యాయం చేయలేదని కేంద్రప్రభుత్వంపై నిప్పులు చెరిగారు అసదుద్దీన్.

ఐపీసీ సెక్షన్ 497 రాజ్యాంగ విరుద్ధమంటూ తీర్పు వెలువడిన కొద్ది క్షణాల్లోనే ఓవైసీ ట్వీట్ల వర్షం కురిపించారు. హోమో సెక్సువాలిటీ నేరంగా పరిగణించే సెక్షన్ 377, అక్రమ సంబంధాలు నేరమని సూచించే సెక్షన్ 497 రాజ్యాంగ విరుద్ధమని సుప్రీంకోర్టు తీర్పు చెప్పిన నేపథ్యంలో ట్రిపుల్ తలాక్‌కు మాత్రం నేరమని చట్టం తీసుకురావడాన్ని మోడీ సర్కార్ ఎలా సమర్థిస్తుందో చెప్పాలన్నారు.ఇది ఎలా న్యాయం అవుతుంది.. బీజేపీ ఏం చెబుతుంది అంటూ ట్వీట్లతో ప్రశ్నించారు ఓవైసీ.

సుప్రీంకోర్టు ట్రిపుల్ తలాక్ రాజ్యాంగ విరుద్ధమని చెప్పలేదని గుర్తు చేసిన ఓవైసీ అదే సమయంలో అంశాన్ని పక్కకు మాత్రమే పెట్టిందని చెప్పారు. కానీ సెక్షన్ 377&సెక్షన్ 497 రాజ్యాంగ విరుద్ధమని తీర్పు చెప్పిందన్నారు. మోడీ ప్రభుత్వం ఈ రెండు తీర్పుల నుంచి పాఠం నేర్చుకుని రాజ్యాంగ విరుద్ధమైన ట్రిపుల్ తలాక్ ఆర్డినెన్స్‌ను వెనక్కు తీసుకోవాలని ఆయన డిమాండ్ చేశారు. ట్రిపుల్ తలాక్ నేరమని తలాక్ చెప్పిన వారికి మూడేళ్లు జైలుశిక్షతో పాటు జరిమానా విధించబడుతుందని ఆర్డినెన్స్‌లో పొందుపర్చారని గుర్తు చేసిన ఓవైసీ ఇది రాజ్యాంగ విరుద్ధమని అన్నారు.

The Supreme Court didn’t say Triple Talaaq is Unconstitutional but “set it aside “but Apex Court has said 377 & 497 is Unconstitutional will Modi Government learn from these judgments and take back their Unconstitutional Ordinance on Triple Talaaq

— Asaduddin Owaisi (@asadowaisi) September 27, 2018

English summary

In a series of tweets, shortly after the verdict was announced, Owaisi argued that even though Section 377 (that dealt with criminalisation of homosexuality) and Section 497 were decriminalised, but the act of instant divorce or ‘talaq triple’ among Muslims has a penal provision and was thus criminalised.