అమ్మ మీద కోపంతో అర్ధరాత్రి ఒంటరిగా యువతి, సెల్పీఇలా..

అమ్మ మీద కోపంతో ఓ యువతి అర్ధరాత్రి రోడ్లపై ఒంటరిగా హల్ చల్ చేసింది. ఒంటరిగా రోడ్లపై యువతి తిరగడాన్ని చూసిన పోలీసులు ఆమెను సురక్షితంగా ఇంటి వద్ద దింపారు.

హైదరాబాద్:అమ్మ మీద కోపంతో ఓ యువతి అర్దరాత్రి రోడ్లపై ఒంటరిగా తిరుగుతూ హల్ చల్ చేసింది.అయితే రోడ్లపై ఒంటరిగా తిరుగుతున్న యువతిని చూసిన పోలీసులు ఆరా తీశారు.ఎట్టకేలకు పోలీసులు ఆమెను సురక్షితంగా ఇంటి వద్ద దింపారు.

అమ్మ మీద అలకతో యూసుఫ్ గూడ నుండి బోరబండ వెళ్లే మార్గంలోని రహమత్ నగర్ చౌరస్తా వద్ద అర్ధరాత్రి ఒకటిన్నర గంటల సమయంలో ఓ యువతి రోడ్లపై ఒంటరిగా తిరుగుతూ కన్పించింది.

ఒంటరిగా ఆ సమయంలో యువతి ఎందుకు రోడ్లపై తిరుగుతోందనే విషయం అర్థం కాలేదు పోలీసులకు. ఆమెను పోలీసులు విచారించారు.

అయితే అమ్మ మీద కోపంతోనే తాను అర్ధరాత్రి ఇంటి నుండి బయటకు వచ్చానని ఆ యువతి చెప్పింది.అయితే వెంటనే ఆ యువతి తల్లితో పోలీసులు మాట్లాడారు.

తన కూతురు సినిమాకు వెళ్ళిందని తల్లి సమాచారం ఇచ్చింది.దీంతో ఆ యువతికి నచ్చజెప్పి పోలీసులు ఆ యువతిని ఆమె ఇంటి వద్ద దింపారు. పోలీసులతో ఆ యువతి సెల్పీ దిగింది.యువతిని సురక్షితంగా ఇంటి వద్ద దింపిన పోలీసులను పలువురు అభినందిస్తున్నారు.

English summary

young lady escape from home in Hyderabad on sunday early morning. she has angry for her mother attitude.