చెల్లెలి అశ్లీల వీడియో ఉందని అక్కను లోబరుచుకున్నాడు

హైదరాబాద్‌: ఓ యువకుడు హైదరాబాదు పాతబస్తీకి చెందిన ఒక యువతిని ఆమె సోదరికి చెందిన అసభ్యకరమైన, అశ్లీల వీడియోలున్నాంటూ బెదిరించి ఆమెను లోబరుచుకున్నాడు. ఆమెతో పరిచయం చేసుకుని స్నేహం చేశాడు.

బాధితురాలు తల్లిదండ్రులకు ఈ విషయం చెప్పడంతో వారు పోలీసులను ఆశ్రయించారు. పాతబస్తీలోకి కిషన్‌బాగ్‌లో ఈ ఘటన చోటుచేసుకుంది. బాధితురాలు మొదట ఆబిడ్స్‌ పోలీస్‌ ఠాణాలో ఫిర్యాదు చేసింది. పశ్చిమ మండలం టాస్క్‌ఫోర్స్‌ పోలీసులు రంగంలోకి దిగి నిందితుడిని అదుపులోకి తీసుకుని విచారిస్తున్నారు.

కిషన్‌బాగ్‌లో ఉంటున్న జీషాన్‌ అనే యువకుడు నాలుగేళ్ల క్రితం ఓ యువతితో పరిచయం పెంచుకున్నాడు. ఈ క్రమంలో యువతి సోదరి కూడా అతనితో చనువుగా ఉండేది. కొంతకాలమయ్యాక 'మీ సోదరి అశ్లీల వీడియోలున్నాయి.వాటిని బహిర్గతం చేయకుండా ఉండాలంటే లైంగికవాంఛ తీర్చాలి' అంటూ బెదిరించాడు.

సోదరి భవిష్యత్తును దృష్టిలో ఉంచుని జీషాన్‌ చెప్పినట్లే చేసింది. అప్పటి నుంచి మౌనంగా ఉండిపోయిన జీషాన్‌ మూడు నెలల నుంచి మళ్లీ ఫేస్‌బుక్‌ ద్వారా ఆమెతో ఛాటింగ్‌ చేశాడు. మరోమారు బెదిరించి రూ.లక్ష డిమాండ్‌ చేశాడు. యువతి రూ.30వేలు ఇచ్చి రూ.70వేలు ఇవ్వకపోవడంతో అవీ కావాలని బలవంతం చేయడంతో ఆమె పోలీసులను ఆశ్రయించారు.

English summary

An Youth arrested for blackmailing a girl in Hyderabad of Telangana.