వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

తెలంగాణపై వరస సమావేశాలు

By Staff
|
Google Oneindia TeluguNews

TDF Meetingsగత మూడు వారాల పాటు తెలంగాణ డెవలప్‌మెంట్‌ ఫోరం (టిడియఫ్‌) అమెరికాలోని వివిధ నగరాల్లో 15 రోజుల పాటు వరుస సమావేశాలు ఏర్పాటు చేసింది. ఈ సమావేశాలు ఆటా సభల సందర్భంగా లాస్‌ ఏంజెల్స్‌లో ప్రారంభమయ్యాయి. ఈ సమావేశాల్లో రిటైర్డ్‌ ఛీఫ్‌ ఇంజనీర్‌ విద్యాసాగరరావు, ప్రొఫెసర్‌ హరినాథ్‌ అవిశ్రాంతంగా ప్రసంగిస్తూ వస్తున్నారు. తెలంగాణ రాష్ట్ర సాధన విషయంలో, తెలంగాణ సమస్యల విషయంలో అమెరికాలోని తెలంగాణవారు లేవనెత్తిన పలు అంశాలకు వారు సమాధానాలిస్తూ పోయారు. వారు అమెరికాలో పది వేల మైళ్ల పాటు తిరిగి సియాటిల్‌, హూస్టన్‌, డల్లాస్‌, చికాగో, బోస్టన్‌ వంటి పలు నగరాల్లో తెలంగాణ ఎన్నారైలను కలుసుకున్నారు.

ఈ సమావేశాలకు ఎంతో ప్రోత్సాహం లభించింది. ప్రతి సమావేశంలో వారి ప్రసంగాలు రెండు గంటలపాటు సాగాయి. ఆ తర్వాత ప్రేక్షకులు అడిగే ప్రశ్నలకు సమాధానాలిచ్చే కార్యక్రమం సాగుతూ వచ్చింది. సాగు నీటి ప్రాజెక్టుల విషయంలో తెలంగాణకు జరుగుతున్న అన్యాయాన్ని విద్యాసాగరరావు ప్రధానంగా వివరించారు. తెలంగాణలో వున్న పెండింగ్‌ సాగునీటి ప్రాజెక్టులను తెలియజేసి ఒక్కో ప్రాజెక్టు స్థితి గురించి ఆయన సోదాహరణంగా వివరించారు. రాజకీయ రంగంలో కొనసాగుతున్న పోరాటం గురించి ప్రొఫెసర్‌ హరినాథ్‌ వివరించారు. ఉద్యోగాల్లో, నీటిపారుదల రంగంలో, విద్యలో తెలంగాణ పట్ల గత నాలుగు దశాబ్దాలుగా ప్రభుత్వాలు ప్రదర్శిస్తున్న వివక్షను ఆయన వివరించారు.

TDF Meetingsచికాగో సమావేశం నుంచి వరంగల్‌ మాజీ మేయర్‌, బిజెపి నాయకుడు రాజేశ్వరరావు ఈ వక్తల బృందంలో చేరారు. తెలంగాణ పట్ల బిజెపి వైఖరిని ఆయన వివరిస్తూ వెళ్లారు. బిజెపి చిన్న రాష్ట్రాల ఏర్పాటుకు సుముఖంగా ఉందని, తెలంగాణ రాష్ట్ర ఏర్పాటు ఉద్యమానికి బిజెపి మద్దతు సంపూర్ణంగా వుంటుందని ఆయన చెప్పారు. బోస్టన్‌లో ఈ నెల 4వ తేదీన, న్యూయార్క్‌లో 5వ తేదీన సమావేశాలు జరిగాయి.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X