ఎన్నారైల బతుకమ్మ సంబరాలు

అమెరికాలోని తెలంగాణ డెవలప్ మెంట్ ఫోరం (టిడిఎఫ్) డల్లాస్ చాప్టర్ వచ్చే నెల 4వ తేదీన స్థానిక తెలుగు సంఘం టాంటెక్స్ సాయంతో టెక్సాస్ లోని ప్లానోలో గల ఓక్ పాయింట్ పార్కు వద్ద గల అంఫీథియేటరులో బతుకమ్మ సంబరాలను నిర్వహిస్తోంది. ఆ రోజు మహిళలు బతుకమ్మ ఆడుతారు. శనివారం సాయంత్రం ఈ ఉత్సవాలు జరుగుతాయి. దాంతో పాటు దసరా, జమ్మి ఉత్సవం జరుగుతుంది. సాంస్కృతిక కార్యక్రమాలు కూడా ఉంటాయి.

ఈ ఉత్సవాల కోసం దాదాపు 50 మంది వాలంటీర్లు గత రెండు నెలలుగా ఏర్పాట్లు చేస్తున్నారు. ఈ ఉత్సవాల్లో పిల్లలకు, యువతకు ప్రత్యేక కార్యక్రమాలు ఉంటాయి. స్నాక్స్, డిన్నర్ ఉంటుంది. సాంస్కృతిక కార్యక్రమాల్లో జానపద గానాలాపనతో పాటు సోది, దసరా వేషాల పోటీలు, తీన్మార్ సాంగ్స్ పోటీలు, కోలాటం తదితరాలు ఉంటాయి. ఈ ఉత్సవాలకు వేయి మందికి పైగా హాజరవుతారని టిడిఎఫ్ భావిస్తోంది.