అమెరికాలో బతుకమ్మ సందడి

అమెరికాలో బతుకమ్మ సందడి చేస్తోంది. అమెరికాలోని తెలుగు ప్రజలు బతుకమ్మ సంబరాలను ఉత్సాహభరిత వాతావరణంలో చేసుకుంటున్నారు. తెలంగాణ సంస్కృతికి ప్రతీక అయిన బతుకమ్మను మిచిగాన్ లోని డెట్రాయిట్ లో గత నాలుగేళ్లుగా నిర్వహిస్తున్నారు. ఈసారి కూడా ఈ నెల 19వ తేదీన బతుకమ్మ పర్వదినాన్ని జరుపుకున్నారు. దాదాపు వేయి మంది ఈ సంబరాల్లో పాల్గొన్నారు. ఉత్తమ బతుకమ్మకు అవార్డు ఇచ్చారు. వసంత చల్లాకు ప్రథమ బహుమతి లభించింది. అనిత బొమ్మనవేనికి ద్వితీయ బహుమతి లభించింది. తృతీయ బహుమతిని శోభా తూముకుంట్ల గెలుచుకున్నారు. రజిత, విజయ, గీతలకు ప్రోత్సాహక బహుమతులు లభించాయి. బతుకమ్మ పండుగను విజయవంతం చేయడానికి కృషి చేసిన ప్రీతి చల్లాను, శిరీషా మార్లను ఈ సందర్భంగా సత్కరించారు. ఈ ఉత్సవానికి ప్రముఖ వాగ్గేయకారుడు గోరటి వెంకన్న హాజరయ్యారు. సాంస్కృతిక కార్యక్రమాలు కూడా జరిగాయి. రఘు బోడా, ప్రీతి చల్లా, దామోదర్ గాంకిడి, అశోక్ పెరుమాండ్ల, ప్రవీణ్ జొన్నలగడ్డ, సునీల్ మర్రి, శ్రీధర్ బండారు, రామిరెడ్డి, సిద్ధార్థ అన్నబోయిన, వెంకట్ మంతెన, మురళీ బొమ్మనవేని, హరి మారోజు, శైలేంద్ర సానం, నాగేంద్ర అయిత, రాజు బ్రహ్మానందభేరీ, తిరు తదితరులు కార్యక్రమం విజయవంతం కావడానికి సహకరించారు.

తెలంగాణ డెవలప్ మెంట్ ఫోరం (టిడిఎఫ్) ఆధ్వర్యంలో న్యూయార్క్, న్యూజెర్సీ, ఫిల్డేల్ఫియాల్లో కూడా బతుకమ్మ పర్వ దినాలు ఉత్సాహభరిత వాతావరణంలో జరిగాయి. ఈ నెల 20వ తేదీన ఇక్కడ బతుకమ్మ పండుగను జరుపుకున్నారు. న్యూయార్కులో రంగు రంగుల వస్త్రధారణతో మహిళలు బతుకమ్మ ఆడారు. ఈ సందర్భంగా తెలంగాణ వంటకాలను పెట్టారు. పిల్లలు, పెద్దలకు ఆటల పోటీలు నిర్వహించారు. ఎమ్మెల్సీ దిలీప్ కుమార్, డాక్టర్ వడ్డేపల్లి కృష్ణ, న్యూజెర్సీ అసెంబ్లీ మెంబర్ ఉపేంద్ర చివుకుల న్యూజెర్సీ ఉత్సవాలకు హాజరయ్యారు. ప్రథమ బహుమతిని స్మిత, సుజాత వొడ్డిలకు ఉపేంద్ర చివుకుల ప్రదానం చేశారు. ద్వితీయ బహుమతిని సరితకు, ఆమె మిత్రులకు, తృతీయ బహుమతిని వరూధిని, నందిని దుర్గలలకు అందించారు. నాలుగో బహుమతిని జమున పుష్కూర్ కు, ఐదో బహుమతిని భవాని కమల్ కు ప్రదానం చేశారు. ఆరు, ఆ లోపు వయస్సు గల పిల్లలకు నిర్వహించిన పరుగు పందెంలో సూరజ్ కూర, సిద్ధాంత్ షకీలి బహుమతులు గెలుచుకున్నారు. వివిధ పోటీల్లో బహుమతి పొందినవారికి అవార్డులు పొందారు.

వాషింగ్టన్ డీసీలో పెద్ద యెత్తున ఈ నెల 19వ తేదీన బతుకమ్మ పండుగ నిర్వహించుకున్నారు. లేక్ ఫెయిర్ పార్కులో ఈ పర్వదినం జరిగింది. దాదాపు 350 మంది ఈ ఉత్సవంలో పాల్గొన్నారు. టీవి 9 సిఇఒ రవి ప్రకాష్ ఈ కార్యక్రమంలో పాల్గొన్నారు. స్థానిక తెలుగు సంస్థల సహకారంతో తెలంగాణ డెవలప్ మెంట్ ఫోరం ఈ కార్యక్రమాన్ని నిర్వించింది. కళ్యాణ్ ముద్దసాని, ప్రవీణ్ శ్యామల, రాజేష్ బాదం, విష్ణు ప్రసాద్, ప్రదీప్ నాగూరు, అమర్ జన్నుపురెడ్డి, శ్రీనివాస్ విప్పా, బాలకృష్ణ పాట్లూరి, అనిల్ కాసినేని, ప్రశాంత్ పురం, రాజేష్ మాదిరెడ్డి ఈ కార్యక్రమ నిర్వహణకు సహకరించారు. ఉత్తమ బతుకమ్మలకు స్వర్ణ వీర్ల, మంజు తుమ్మల, సునీత గడప, శ్వేత ముద్దసాని బహుమతులు గెలుచుకున్నారు. టొరంటోలో కూడా బతుకమ్మ పర్వదినం ఉత్సాహ భరిత వాతావరణంలో జరిగింది.