డల్లాస్ తెలుగుసేవాసమితికి ప్రశంసలు

టెక్సాస్‌: డల్లాస్‌ ఫోర్ట్‌ వర్త్‌ తెలుగు సేవాసమితి చేపడుతున్న సేవా కార్యక్రమాలను యు.ఎస్‌ కాంగ్రెస్‌ మ్యాన్‌ పీటెసెషన్స్‌, మేయర్‌ హర్‌బర్ట్‌ గీస్‌ అభినందించారు. టెక్సాస్‌ హిందూ ఆలయంలో ఏర్పాటుచేసిన కార్యక్రమాన్ని వారు జ్యోతిప్రజ్వలన చేసి ప్రారంభించారు. ఈ సందర్భంగా పీటె సెషన్స్‌ మాట్లాడుతూ భారతీయ వైద్యులు అమెరికాలో స్థిరపడి మెరుగైన వైద్యసేవలందించడం హర్షణీయమన్నారు.

గుర్రం శ్రీనివాసరెడ్డి మాట్లాడుతూ తెలుగు సేవాసమితి చేపడుతున్న సేవాకార్యక్రమాల గురించి వివరించారు. జవ్వాడి శ్రీదేవి, సంజీవ్‌ రుమాల్ల, మంజు తొలిదేవర, అపర్ణ వేదుల, విశాల్‌, శ్యాం రుమాల్ల, డాక్టర్‌ కస్తూరి ఇనగంటి తదితరులు పాల్గొన్నారు. సేవాసమితి తరుపున నిర్వహిస్తున్న వైద్యశిబిరాలకు డాక్టర్‌ కరుణ వంగల, యోగి చిమటా, కస్తూరి ఇనగంటి, రాజ్‌నరేంద్ర చొల్లేటి, శ్రీదేవి జవ్వాడి, మహేష్‌ తుమ్మల, సురేఖ మచుపల్లి, శాలిని కాటనేని, శ్రీలతరెడ్డి, విజయ్‌ నామా తదితరులు వైద్య సేవలందిస్తున్నట్లు శ్రీనివాసరెడ్డి వెల్లడించారు.