ఆస్ట్రేలియా నుంచి భారతీయ నర్సింగ్ విద్యార్ధులు వెనక్కి

మెల్‌ బోర్న్‌: భారతీయ విద్యార్ధులకు సంబంధించి ఆస్ట్రేలియాలో మరో ఉత్పాతం. ఇంగ్లిషులో నైపుణ్యం లేదంటూ తమ దేశంలో నర్సింగ్‌ విద్యను అభ్యసిస్తున్న వందలాదిమంది విదేశీ విద్యార్థులను వెనక్కు పంపాలని ఆస్ట్రేలియా నిర్ణయించింది. వీరిలో అత్యధికులు భారత విద్యార్థులు. భారత్‌, చైనా, థాయిలాండ్‌, ఫిలిప్పీన్స్‌లకు చెందిన సుమారు 400 మంది విద్యార్థులు ఈ ముప్పును ఎదుర్కొంటున్నారు.

దాదాపు విద్య పూర్తయి, ఉద్యోగావకాశాలు వస్తున్న సమయంలో ఈ సమస్య తలెత్తడం వారికి అశనిపాతమే. అంతర్జాతీయ ఇంగ్లిషు భాష పరీక్ష విధానంలో ది నర్సింగ్‌ అండ్‌ మిడ్‌ వైఫ్‌ రీ బోర్డు విద్యార్థులు పొందాల్సిన కనీస పాయింట్ల స్థాయిని పెంచడంతో ఈ పరిస్థితి తలెత్తింది. విదేశీయులకు ఉద్యోగ అనుమతులు, పౌరసత్వం కల్పించడానికి ఇంగ్లిషులో రాయడం, చదవడం నైపుణ్యాల్లో బ్రిటన్‌ అనుసరిస్తున్న కఠినమైన విధానాలను ఆస్ట్రేలియా కూడా పాటిస్తోంది. అయితే ఈ నర్సింగ్‌ విద్యార్థులకు ఆస్ట్రేలియా నర్సింగ్‌ ఫెడరేషన్‌ మద్దతు పలకడం విశేషం.