ఎన్నారై భార్య హత్య

యుకెకు చెందిన ఎన్నారై భార్య దక్షిణాఫ్రికాలో హత్యకు గురైంది. పెళ్లి అయిన తర్వాత భార్యాభర్తలు హానీమూన్ కు వెళ్లారు. కేప్ టౌన్ లో వారిని గుర్తు తెలియని వ్యక్తులు అడ్డగించిన ఆమెను హత్య చేశారు. 28 ఏళ్ల అన్ని, ఆమె 30 ఏళ్ల మిలియనీర్ భర్త శ్రేన్ దేవానీ ఓ పాపులర్ నైట్ స్పాట్ నుంచి తాము ఉంటున్న హోటల్ కు తిరిగి వస్తుండగా శనివారం రాత్రి ఈ సంఘటన జరిగింది. హ్యాండ్ గన్ లతో వచ్చిన దుండగులు టాక్సీ డ్రైవర్ ను బయటకు లాగేసి భార్యాభర్తలలతో టాక్సీని అపహరించుకుపోయారు.

ఓ గంట తర్వాత భర్త దేవానిని బయటకు తోసేసి భార్యతో దుండగులు వెళ్లిపోయారు. రోడ్డుపై పడి ఉన్న భర్తను ఓ మోటరిస్టు పోలీసు స్టేషనుకు తీసుకుని వెళ్లాడు. ఆ తర్వాత దేవాని తోసేసిన కొద్ది దూరంలోనే దుండగులు కారును వదిలేసి వెళ్లిపోయారు. కారు వెనక సీట్లో అన్ని శవంగా కనిపించింది. ఆమె శరీరంపై కాల్పులు జరిపిన గాయాలున్నాయి. యుకెలో నర్సింగ్ హోమ్ లను నడిపే ఆ దంపతులు శుక్రవారం కేప్ టౌన్ కు వచ్చారు.