కువైట్ సంక్రాంతి వేడుకల్లో మురళీమోహన్

జెడ్డా: కువైట్‌లోని తెలుగువారు సంక్రాంతి వేడుకలను శుక్రవారం మంగఫ్‌లోని కేంబ్రిడ్జి పాఠశాల ఆడిటోరియంలో ఘనంగా జరుపుకున్నారు. కువైట్‌లోని ప్రవాసాంద్రుల సంఘం తెలుగుకళాసమితి, నందమూరి ఫ్యాన్స్‌ అసోసియేషన్‌ల ఆధ్వర్యంలో జరిగిన ఈ కార్యక్రమంలో సినీనటుడు మురళీమోహన్‌ ముఖ్య అతిథిగా పాల్గొన్నారు.

కువైట్‌లోని తెలుగువారిని చూస్తుంటే పండుగనాడు స్వదేశంలో లేననే లోటు, బాధ తనకు కలగడం లేదని మురళీమోహన్‌ చెప్పారు. అనంతరం ముగ్గుల పోటీల విజేతలకు ఆయన బహుమతులు అందజేశారు. ఈ కార్యక్రమంలో తెలుగు కళా సమితి అధ్యక్షుడు చల్లంశెట్టి హరిప్రసాద్‌, నందమూరి అభిమాన సంఘం అధ్యక్షుడు దార్ల శ్రీనివాస్‌ ఆచారి, ప్రధానకార్యదర్శి వేగి వెంకటేశ్‌ తదితరులు పాల్గొన్నారు.