టెలిస్కోప్ ఫిల్టర్ల రూపకల్పన శిల్పి భారతీయుడు

రాంచీ: టెలిస్కోపులకు ఉపగ్రహాల నుంచి వస్తున్న సంకేతాల వల్ల అవరోధాలు కలగకుండా అడ్డుకునే ఫిల్టర్లను రూపొందించడంలో భారత శాస్త్రవేత్త శ్రీకాంత పాల్‌ నైపుణ్యానికి ప్రపంచం పట్టం కడుతోంది. లోగడ ఆయన..ప్రపంచంలోనే అతిపెద్ద రేడియో టెలిస్కోపు 'గ్రీన్‌ బ్యాండ్‌ టెలిస్కోప్‌' (జీబీటీ)కి ఇలాంటి ఫిల్టర్లను అమర్చి తన సత్తాను చాటారు.

ఇప్పుడు బ్రిటన్‌లో ఉన్న జోడ్రెల్‌ బ్యాంక్‌ అబ్జర్వేటరీకీ ఇలాంటి సమస్య నుంచి విముక్తి కల్పించనున్నారు. దీని కోసం ఫ్రీక్వెన్సీ బ్యాండ్‌పాస్‌ ఫిల్టర్‌ను రూపొందిస్తున్నట్లు శ్రీకాంత్‌ తెలిపారు. నిర్దిష్ట ఫ్రీక్వెన్సీలో ఉన్న సంకేతాలను ఈ ఫిల్టర్‌ గ్రహిస్తుందని ఆయన తెలిపారు.