సింగపూర్ లో ఘనంగా ఎన్టీఆర్ జయంతి

సింగపూర్‌: మహానటుడు, ప్రజానాయకుడు నందమూరి తారకరామారావు జయంతి వేడుకలు సింగపూర్‌లో ప్రవాసాంధ్రులు ఘనంగా నిర్వహించారు. అక్కడి ఆంధ్రా కర్రీ రెస్టారెంట్‌ ఇందుకు వేదికైంది. ఈ సందర్భంగా తెలుగుదేశం పార్టీ అధినేత చంద్రబాబునాయుడు ప్రత్యేక అభినందనలు పంపినట్లు కార్యక్రమ నిర్వాహకులు తెలిపారు. వేడుకల్లో ముందుగా పసుపురంగులో తయారు చేసిన పెద్దకేక్‌ను కట్‌ చేశారు.

అనంతరం కార్యక్రమం ముఖ్య నిర్వాహకుడు కె.దుర్గాప్రసాద్‌ ఎన్టీఆర్‌ తెలుగుజాతికి చేసిన సేవలు వివరించారు. పేదప్రజలను ఆదుకునేందుకు ఎన్నో పథకాలను అమలు చేసిన ఘనత ఆయనకే దక్కుతుందన్నారు. సంపూర్ణ మద్యపాన నిషేధం అమలు చేసి మహిళల మనసుల్లో సుస్థిర స్థానం దక్కించుకున్నారు. అనంతరం ఏర్పాటుచేసిన విందు పసందుగా సాగింది. ఎన్టీఆర్‌ నటించిన చిత్రం 'దానవీరశూరకర్ణ' తిలకించారు. హర్ష పరుచూరి, అచంట సత్య ఎన్టీఆర్‌ స్మృతులు అతిథులతో పంచుకున్నారు. కార్యక్రమానికి హాజరైన ప్రతి ఒక్కరికి మహేష్‌ కోనేరు కృతజ్ఞతలు తెలిపారు.