కొలంబస్ లో ఘనంగా తెలుగు ఉగాది ఉత్సవాలు

కొలంబస్‌: తెలుగు అసోసియేషన్‌ ఆఫ్‌ సెంట్రల్‌ ఒహి (టాకో) ఆధ్వర్యంలో ఒహిరాష్ట్రంలోని కొలంబస్‌ నగరంలో శనివారం ఉగాదివేడుకలు ఘనంగా జరిగాయి. ఈసందర్భంగా చిన్నారులు ప్రదర్శించిన పలుసాంస్కృతిక ప్రదర్శనలు ఆహుతులను ఆకట్టుకున్నాయి. తొలుత గణపతిపూజతో కార్యక్రమం ప్రారంభంకాగా శర్మ పంచాంగశ్రవణం చేశారు.

ఉగాదివేడుకలు సందర్భంగా టాకో తొలిసారిగా తెలుగు అక్షరమాలపై చిన్నారులకు పోటీలు నిర్వహించి విజేతలకు బహుమతులు అందజేసింది. కార్యక్రమం విజయవంతం అయ్యేందుకు కృషిచేసిన వారికి టాకో అధ్యక్షుడు చౌదరి గారపాటి కృతజ్ఞతలు తెలిపారు. నాగేశ్వరరావు మన్నె, గౌతం పరుచూరి, సంఘం ఉపాధ్యక్షులు శ్రీనివాసరావు, సంగా తదితరులు పాల్గొన్నారు.