అమెరికా నార్త్ కరోలినాలో ఉగాది సంబరాలు

ఇండియానా పోలిస్‌: నార్త్‌ కరోలినాలోని చార్లెట్‌ నగరంలో ఆదివారం స్థానిక ప్రావిడెన్స్‌ హైస్కూల్‌లో ఉగాది సంబరాలను ఘనంగా నిర్వహించారు. సుమారు 600 మంది ప్రవాసాంధ్రులు తెలుగు సంస్కృతి, సంప్రదాయాలు ప్రతిబింబింలా వస్త్రధారణతో ఈ వేడుకల్లో పాల్గొన్నారు. గ్రేటర్‌ చార్లెట్‌ తెలుగు సంఘం అధ్యక్షుడు కంఠమనేని పట్టాభి 2010-12 వరకు బాధ్యతలు నిర్వహించే కార్యవర్గ కమిటీని ఈ సందర్భంగా ప్రకటించారు.

నూతన కమిటీలో అధ్యక్షుడిగా జి.పురుషోత్తం చౌదరి, కార్యదర్శిగా సుంకర శశికాంత్‌, కోశాధికారిగా మంజిగాని శ్రీధర్‌, సహాయ కార్యదర్శిగా పెల్లూరు మణి వ్యవహరిస్తారు. ఈ ఉత్సవాల్లో చిన్నారులు ఇచ్చిన ప్రదర్శనలు ప్రత్యేక ఆకర్షణగా నిలిచాయి. పలు సంగీత, న్రత్య ప్రదర్శనలు, సాంస్కృతిక కార్యక్రమాలు, పంచాంగ శ్రవణం తదితర కార్యక్రమాలు ప్రవాసాంధ్రులను ఆకట్టుకున్నాయి. ఉత్సవాల ఏర్పాట్లకు సహకరించిన వారందరికీ గ్రేట చార్లెట్‌ తెలుగు సంఘం కృతజ్ఞతలు తెలిపింది.