బ్రిటన్ లో ఘనంగా తెలుగు ఉగాది వేడుకలు

ఇండియానా పోలిస్‌: యు.కె.లోని బర్మింగ్‌హం నగర వెంకటేశ్వర స్వామి ఆలయంలో తెలుగు పీపుల్‌ ఇన్‌ యు.కె. (టి.పి.యు.కె) సంస్థ ఆధ్వర్యంలో ఆదివారం ఉగాది వేడుకలను ఘనంగా నిర్వహించారు. సుమారు 200 మందికి పైగా ప్రవాసాంధ్రులు ఈ సంబరాల్లో పాల్గొన్నారు. ఈ కార్యక్రమానికి ముఖ్య అతిథిగా ప్రముఖ రచయిత్రి మాచర్ల హేమ విచ్చేశారు. తెలుగు సంస్కృతి, సంప్రదాయాలు, లోగిళ్లు ప్రతిబింబించే విధంగా రూపొందించిన వేదికపై వేద పండితులు పంచాంగ శ్రవణాన్ని ప్రవాసాంధ్రులకు వినిపించారు.

సంస్థ ద్వారా హైతీ భూకంప బాధితుల సహాయార్థం సేకరించిన విరాళాల వివరాలను స్కాట్‌లాండ్‌ ప్రాంత ప్రతినిధి నాగుబండి రంజిత్‌ సభకు తెలిపారు. అనంతరం పెద్దలు, చిన్నారులు ప్రదర్శించిన పలు సాంస్కృతిక, జానపద, సంగీత, నృత్య కార్యక్రమాలు ఆహుతులను విశేషంగా ఆకట్టుకున్నాయి.