కోమటిరెడ్డి కుమారుడి మృతికి ఆటా సంతాపం

By Pratap

Published: Thursday, December 22, 2011, 9:42 [IST]

మాజీ మంత్రి కోమటిరెడ్డి వెంకటరెడ్డి కుమారుడు ప్రతీక్ రెడ్డి మృతికి అమెరికా తెలుగు సంఘం (ఆటా) తీవ్ర సంతాపం వ్యక్తం చేసింది. కోమటిరెడ్డి వెంకటరెడ్డి కుటుంబ సభ్యులకు ఆటా తన ప్రగాఢ సానుభూతిని తెలియజేసింది. ఈ మేరకు ఆటా మీడియా చైర్ హరిప్రసాద్ లింగాల ఓ ప్రకటన విడుదల చేశారు. అవుట్ రింగ్ రోడ్డుపై కారు ప్రమాదంలో మరణించిన మరో ఇద్దరికి కూడా ఆయన సంతాపం ప్రకటించారు. విషాద సమయంలో తాము అన్ని విధాలా కోమటిరెడ్డి వెంకటరెడ్డికి అండగా నిలుస్తామని ఆయన అన్నారు.

మాజీ మంత్రి కోమటిరెడ్డి వెంకటరెడ్డి కుమారుడు ప్రతీక్ రెడ్డితో పాటు మరో ఇద్దరు మంగళవారం సాయంత్రం హైదరాబాద్ అవుటర్ రింగ్ రోడ్డుపై జరిగిన కారు ప్రమాదంలో మరణించిన విషయం తెలిసిందే. మరో యువకుడు అరవ రెడ్డి ఆస్పత్రిలో చికిత్స పొందుతున్నాడు. కోమటిరెడ్డి వెంకటరెడ్డి కుమారుడు ప్రతీక్ రెడ్డి అంత్యక్రియలు బుధవారం హైదరాబాదులో జరిగాయి.

Published On December 22, 2011