ట్రై వ్యాలీ తెలుగు విద్యార్థులకు చేయూత

ట్రై వ్యాలీ విశ్వవిద్యాలయంలో చదువుతున్న తెలుగు విద్యార్థులకు న్యాయ సహాయం అందించడానికి అమెరికన్ తెలుగు అసోసియేషన్ (ఆటా) ముందుకు వచ్చింది. అమెరికా అటార్నీ కార్యాలయం ట్రై వ్యాలీ విశ్వవిద్యాలయానికి వ్యతిరేకంగా కాలిఫోర్నియాలో ఫిర్యాదు చేసింది. దీంతో వందలాది మంది తెలుగు విద్యార్థులు సమస్యలో చిక్కుకున్నారు. విశ్వవిద్యాలయ విద్యార్థుల కోసం ఫెడరల్ అధికార వర్గాలు గాలిస్తున్నాయి. వారిని విచారించేందుకు సిద్ధపడింది.

అవసరమైన తెలుగు విద్యార్థులకు చట్టపరిధిలో సహాయం చేయడానికి, తగిన సమాచారం అందించడానికి తాము సిద్ధంగా ఉన్నామని ఆటా అధ్యక్షుడు డాక్టర్ రాజేందర్ జిన్నా చెప్పారు. తాము ట్రై వ్యాలీ విద్యార్థులను సంప్రదిస్తున్నామని, తగిన సహాయం అందిస్తున్నామని ఆయన చెప్పారు. సహాయం అవసరమైన విద్యార్థులు ఆకులను సంప్రందించాల్సిందిగా ఆయన సూచించారు. లా కంపనీ నడుపుతున్న ఆకుల అండ్ అసోసియేట్స్ విద్యార్థులకు సహాయం చేస్తున్నట్లు ఆయన తెలిపారు. అవసరమైన విద్యార్థులు ఆకులను 972-241-4698 అనే ఫోన్ నెంబర్‌పై గానీ [email protected] అనే ఇ - మెయిల్ ద్వారా గానీ సంప్రదించవచ్చు.