అమెరికాలో క్యాట్స్ బ్యాడ్మింటన్ టోర్నీ

By Pratap

Published: Saturday, December 17, 2011, 10:22 [IST]

అమెరికాలోని వాషింగ్టన్ డిసి మెట్రో ఏరియాలో కాపిటోల్ ఏరియా తెలుగు సొసైటీ (క్యాట్స్) రెండో బ్యాడ్మింటన్ టోర్నమెంటును విజయవంతంగా నిర్వహించింది. ఈ టోర్నమెంటులో 70 మంది క్రీడాకారులు పాల్గొన్నారు. క్యాట్స్ క్రీడా కమిటీ తరఫున పవన్ కుమార్ పెండ్యాల, శ్రీనాథ్ ఆరేపల్లి, భువనేశ్ బూజల, బద్రినాథ్ చల్లా ఈ కార్యక్రమాన్ని ముందుండి నిర్వహించారు. పురుషుల సింగిల్స్ కెటగిరీలో గ్రూప్ ఎలో కృష్మిన్ రాయ్ విజేతగా నిలువగా అనంత్ రన్నరప్‌గా నిలిచారు. గ్రూప్ బిలో శంకర్ మాథా విజేత కాగా, గణేష్ కె. స్వామి రెండో స్థానం దక్కించుకున్నారు.

పురుషుల డబుల్స్‌ గ్రూప్ ఎలో టామ్, హోండా తెత్సుయ విజేతలుగా కాగా, అనంత్, కాంగ్ రన్నరప్‌గా నిలిచారు. గ్రూప్ బిలో పవన్ పెండ్యాల, శివ మొదటి స్థానంలో నిలిచారు. నిఖిల్, నగేష్ రెండో స్థానాన్ని దక్కించుకున్నారు. మహిళల డబుల్స్‌లో కీకో మురకమి, లీస్లే కానే జంట విజయం సాధించగా, జోయి, సమీర రెండో స్థానంలో నిలిచారు. మిక్స్‌డ్ డబుల్స్‌లో లీస్లే కానే, క్రిష్మిన్ మొదటి స్థానం సాధించగా, కీకో, హోండా రెండో స్థానంలో నిలిచారు. క్లబ్ చాంప్స్ కెటగిరీలో పురుషుల డబుల్స్‌లో ఖలీద్ జాఫర్, ఆసిఫ్ విజయం సాధించారు. పురుషుల సింగిల్స్ టైటిల్ ఆసిఫ్ దక్కించుకున్నాడు. విజేతలకు, రన్నరప్స్‌కు క్యాట్స్ అధ్యక్షుడు రామ్ మోహన్ కొండా ట్రోఫీలను ప్రదానం చేశారు. టోర్నమెంట్‌ను స్పాన్సర్ చేసిన కె2 బ్యాడ్మింటన్ క్లబ్‌కు చెంది కామేష్‌కు కృతజ్ఝతలు తెలిపారు.

Published On December 17, 2011